46 EX S. G. CONCILII

rum ei chori. Hos quoque perpetuo elegit capitulum , uti liquet ex Elencho Partium Capitularium ab a. 1698 usque ad a. 1777. Hodie lege 1867 numerus capellanorum ad sex reductus est, et quamvis coram civili potestate appareat duos ex his capellanis munus gerere caeremoniarii et choristae, tamen hoc nec de iure nec de facto semper verum fuit. Et •etiam his recentioribus temporibus electiones caeremoniarii et choristae persaepe a capitulo factae sunt, e. g. a. 1900; quamvis a. 1901 , reclamante capitulo, ab episcopo factae sint.

IURA EPISCOPI.

Ex adverso advocatus episcopi, ad primam quaestionem spectantem ius capituli conferendi canonicatus et praeben- das cathedrales, recolit omnes Doctores unanimiter tradere omnium beneficiorum collationem episcopis competere ; adeo ut, haec sit probata regula, quod' « ex iuris communis dis- positione primaevoque Ecclesiae usu attento, omnia bene- ficia ad episcopi seu ordinarii collationem spectent »; (Van- Espen, Ius Can. Un. p. Il, sect. III, tit. 4, cap. 1, n. 2). Ita docent quam plurimi canones ; Concilium enim Antio- chenum a. 341 habet: «quaecumque res ecclesiae sunt. convenit gubernari et dispensari cum iudicio et pote- state episcopi, cui totius plebis animae videntur esse com- missae »; Toletanum III a. 589: «Omnia secundum con- stitutionem antiquam ad episcopi ordinationem et potestatem pertineant » ; Concilium Lateranense I, a. 1123 : « secun- dum Apostolorum canones omnium negotiorum ecclesiasti- corum curam episcopus habeat ; nullus omnino archidiaconus aut archipresbyter aut praepositus vel decanus animarum curam vel praebendas Ecclesiae sine iudicio vel consensu episcopi alicui tribuat : immo sicut sacris canonibus consti- tutum est, animarum cura et rerum ecclesiasticarum dis- pensatio in episcopi iudicio et potestate permaneat » ; et Alexander III cantuariensi archiepiscopo rescripsit, extir-