43. In Praesentatione BMV.

1 a. Stella, sole clarior,
Virgo, sanctis sanctior,
Templo praesentatur.

1b. Templum cum sacerdotibus,
Levitis, magistratibus
Advenae gratulatur.

2 a. Accipitur tenera,
Templi solvat onera
Uno lustro solo.

2 b. Nympha parens iussibus
Dat operam vestibus,
Fila net in colo.

3 a. Illustratur neumate
Ab aeterno stigmate
Dei praesignata;

3 b. Sola gradus graditur
Fani, bene creditur
Vi dei donata.

4 a. Lucens plena virtutibus,
Sublimior sublimibus,
Cunctis veneranda.

4 b. Aaron genus successisti,
Mox futura mater Christi
Mundo revelanda.

5 a. Uideat [hanc] omnis homo,
Se conclusit suo throno
Auro, gemmis condito.

5 b. Summum videamus patrem
Et te veneremur matrem,
Fac, cum unigenito.