EUGUBINA 4f7

tenore delle sinodali disposizioni in fine di ogni anno dal medesimo cassiere con ritiro di regolare ricevuta, alle Com- pagnie del SSmo Sacramento, erette nelle sei Parrocchie delle Chiese ».

Synodi autem praescriptionem, contendunt Procuratores, non ius tribuisse, sed morem ab antiquiore aetate invectum confirmasse ; cuius moris tempore editi Synodi praeclara ha- bita fuerat testificatio. Siquidem quum Napoleon I Impera- tor Sodalitatum bona et iura convellisset et dumtaxat pas- sus sit, vigere Sodalitates SSmi Sacramenti cultui addictas, hae interim Fidelium cadavera associabant ; sed non semel ac restitutae sunt ab interitu veteres quatuor Confraterni- tates, illae ab associandis defunctis destiterunt et aliae suum munus explere prosecutae sunt, prouti antea.

Hodiernae quaestionis documenta pressius examinantes Sodalitatum Procuratores, petitionem Parochorum quod spe- ctat, notant supplici libello subsignatus reperiri omnes et singulos Parochos, sed excipiunt adversus subscriptiones tum Vicarii Parochi Ecclesiae Cathedralis, tum Parochi ad S.Ioan- nis Baptistae ; siquidem aiunt hos parochos titulum non ha- bere, sed vices gerere Capituli Cathedralis quod reapse Pa- rochus est. Referunt vero Capitulum in capitulari Con- ventu diei 10 Ianuarii 1897 ad instantiam novi Vicarii Parochi unanimi suffragio significasse, se nullimode adhae- sisse aut adhaerere petitioni ab aliis parochis Episcopo fa- ctae.

Ad Episcopi Decretum quod attinet, inter alia adver- tunt, idem sua ruere mole ob adiectam expresse cautionem; scilicet « Servatis insuper quae a vigenti dioecesana Synodo disponuntur circa curam et onera Confraternitatum in urbe Eugubina, existentium, in associatione cadaverum, decre- vimus etc. ». Quamobrem nedum legi derogatum fuit, sed adeo diserte confirmatur, ut nulla ei contraria praescriptio consistere valeat.

Mentem Episcopi in Decreto edendo eam fuisse, Priores colligunt ex epistola eiusdem ex die 25 Ianuarii 1897.