44. De sancto Gothardo.

1. Laetemur die ista
celebranda
spiritali symphonia,

2. Qua beatum spiritum
Grothardi uranica
suscepit harmonia,

3. Beatorum spirituum
beandum pari gloria
et iugi laetitia.

4. Gaude, Bavaria,

tanta prole fecundata,

et tu, Saxonia,

tali patrono tripudia.

5. Omnis ecclesia,

eius meritis iucunda,
magno gaude gaudio
cum Altahensi coenobio.

6. O quale, quantum lucrum
de duobus talentis, quae
accepit servus iste,
Domino revertenti obtulit:

7. O quam desideratam
vocem audire meruit:
"Euge, serve fidelis,
intra tui Domini gaudium"!

8. Illius

participes gaudii,
sancte Gotharde,
tuis precibus
mereamur fieri,

9. Proprius

ut quos gravat reatus,
tuus sublevet
acceptabilis
semper Deo precatus.