48 Instructio de scholis publicis in America Septentrionali

tum. Est ergo imprimis videndum utrumne in schola, de qua

adeunda quaeritur, perversionis periculum sit eiusmodi, quod

fieri remotum plane nequeat, velut quoties ibi aut docentur

quaedam, aut aguntur catholicae doctrinae bonisve moribus

contraria, quaeque citra animae detrimentum neque audiri pos-

sunt, neque peragi. Enimvero tale periculum, ut per se patet,

omnino vitandum est cum quocumque damno temporali, etiam

vitae. Debet porro iuventus, ut committi scholis publicis in

conscientia possit, necessariam christianam institutionem et

educationem, saltem extra scholae tempus, rite ac diligenter

accipere. Quare parochi et missionarii, memores eorum quae

providentissime hac de re Concilium Baltimorense constituit,1

catechesibus diligenter dent operam iisque praecipue incum-

bant Fidei veritatibus ac morum, quae ab incredulis et hete-

1 N. 435 : « Cum autem omnibus in paroeciis scholae exclusivae catho- licae, propter rerum angustias, nondum haberi queant, et nullibi sit locus pro institutione quotidiana et necessaria nisi in gymnasiis publicis, eo magis oportet omnes cautelas adhibere, ut exinde quam minimum detri- mentum iuventus catholica patiatur. Hunc in finem cathecheses et scho- lae doctrinae christianae instituantur. Pueros puellasque in propriam ecclesiam dominicis et aliis diebus festivis, et quandoque etiam saepius, Pastores convocent, ut eos elementa christianae doctrinae studiose et dili- genter edoceant.

N. 436: « Ecclesiae igitur monitis ac praeceptis obtemperet animarum moderator; ac sanctorum hominum, immo ipsius Christi, Pastoris optimi, exemplo animatus, parvulos, spem commissi sibi gregis, singulari amore prosequatur, summa cura custodiat, indefessa vigilantia et sollicitudine a luporum ac tartarei praedonis insidiis et incursibus defendat ac tueatur. Pulcherrimum illum integritatis et innocentiae florem, atque ineffabile, quo fruuntur, baptismalis gratiae donum, sanctum in illis inviolatumque, quasi oculi sui pupillam, servandum ipse curet. Eos ita instituat atque assuefaciat, ut Dei domum et atria sancta Eius libenter frequentent, ibique congregatos sanctis vitae morumque praeceptis imbuunt. Tenellis adhuc eorum animis ea instillet fidei ac pietatis rudimenta, quae postea aetate adultis firmamento ac robori, totissimoque contra pravas daemonis ac pra- vorum hominum insidias praesidio sint futura.

N. 437: «Parentes omnibus, quibus poterit, modis inducat, ut partes suas satagant. Eos hortamentis excitet, minis terrefaciat ; precibus exoret, ut liberos stato catecheseos tempore ad ecclesiam mittant. Hos autem ad alacrius adsistendum discendumque munusculis et praemiis alliciat. Quod enim quotidie faciunt haereseos magistri, ut pueros catholicos ad suas