48 EX S. G. CONCILII

gium clericorum veluti senatus ecclesiae iuxta priscorum patrum formulas habebatur. Tractu temporis, quum in iu- ribus antiqui cleri merito successissent capitula cath., ob- tinuit episcopus quamplura negotia agere, irrequisito prorsus capitulo, inter quae etiam beneficia conferre ; non autem illa in eadem cathedrali erecta, nam maxime intererat ca- pitulo, ne canonici et fratres, eo inconsulto, illi aggrega- rentur. Verum a consilio vel consensu praestando facilis fuit gressus ad episcopum prorsus excludendum, attenta praesertim capituli auctoritate, quae variis ex causis aucta erat, in diesque maior evadebat. Haec habet sueta perspi- cuitate Berardi, (Ius. Can. Un. Vol. I. Dissert. 5, par. 2, cap. 2); necnon Barbosa (De can. et dign. cap. 14, n. 1 et seqq.).

Ad eam autem sententiam simultaneae collationis quod spectat, quae pro iure communi apud Doctores invaluit, loc. cit. Berardi adnotat : « quam inania argumenta sint illa, quibus usi sunt nonnulli interpretes, qui putarunt, de- duci posse ex nonnullis rescriptis aut canonibus incertis inter Decretales Gregorii IX, simultaneam collationem beneficio- rum et episcopo et capitulo competere iure communi, etc. »; item Lotterius (De re beneficiaria, quaest. XX, n. 9).

Quibus perpensis sententiis, advocatus opinatur ius si- multaneae collationis recte deduci ex illo principio ss. ca- nonum, quo collatio beneficiorum ad eos pertinet, de quo- rum bonis beneficia fundata aut dotata fuerunt, i. e. ad episcopum si ex mensa episcopi, ad capitulum si ex mensa capituli, ad utrumque si ex redditibus episcopi et capituli communibus essent constituta. Cum autem notum sit, quod primitus ordinario communes erant redditus episcopi et ca- pituli, vitam in communi agentium, inde communis etiam collatio merito stabilienda erat. « Ex hac autem primor- diali communione redituum profiuxit, quod collatio canoni- catuum et praebendarum ecclesiae cath., ab episcopo et ca- pitulo simultanee explenda esset.... Secundo item praemit- tendum est quod quotiescumque ob superius insinuatam prae-