45. In Annuntiatione BMV.

1 a. Volens Deus hominem
Liberare perditum
Praemisit ad virginem
Gabrielem inclitum.

1b. Angelus, qui mittitur,

Cum splendore luminis
Thalamum ingreditur
Speciosae virginis.

2 a. "Ave", inquit, " gratia

Plena, tecum Dominus"'' ;
''Virgo simplex et pia
Est turbata protinus

2 b. Maria, ne timeas,

Electa prae omnibus,
Benedicta gaudeas
Tu in mulieribus.

3 a. Sanctus in te spiritus,
De quo tu concipies,
Condescendet caelitus,
Atque virgo paries.

3 b. Tu Deum et hominem
Habebis in filium,
In cuius originem

Mors perdet imperium.

4 a. Hic Iesus vocabitur
Filius altissimi,
Regnum illi dabitur
David fidelissimi.

4 b. In Iacob familia

Regnabit sublimiter,
Cuius regni gloria
Stabit aeternaliter.

5 a. Huic virgo adfamini

Respondit humiliter:
Ancilla sum Domini,
Sic sit et non aliter.

5 b. Mox Deus ingreditur
In ipsam feliciter,
Et praegnans efficitur
Virgo mirabiliter.

6 a. Ave, clausum unicae
Deitatis ostium.
Trinitatis deicae

Thronus et triclinium.

6 b. Ave, per quam saeculo
Pax venit et gaudium;
Cuncta tibi sedulo
Faciant inclinium.

7 a. Per aurem concipiens
Veri solis radium
Nihil mali sentiens
Paris, virgo, filium.

7 b. Natum in praesaepio
Ponis animalium,
Qui caret principio,
Creatorem omnium.

8 a. Audi, mater Domini,
De caelorum apice,
Huic astantes carmini
Miserando respice.

8 b. Imperatrix gloriae,

Nos a malis eripe,
Fons niisericordiae
Ave nostrum suscipe.

9. Ave, ave, ave.