▾
AnHym Author, Analecta Hymnica – XLV A Historiae Rhythmicae
⎗←→⎘
▾
9. De beata Maria V in Inventione Reliquiarum Baiocensium.
12. De s. Antonino Apamaeensi.
20. De sancto Dionysio et sociis.
27. In Translatione s. Evartii.
33. In Translatione s. Gengulphi.
38. De sancto Germano Antissiodorensi:
39. In Translatione s. Gertrudis Xivellensis.
40. In Consecratione s, Gertrudis.
41. De s. Guilelmo Vercellensi.
43. De ss. Helaro et Tatiano et Sociis.
44. In Memoria ss. Hermelanui et Baldi.
46. De s. Iohanne Evangelista.
47. De s. Iohanne Evangelista.
48. De ss. Iohanne et Marciano.
56. De s. Laurentio Sipontino.
57, De s. Leonardo Lemovicensi.
58. De ss. Liberata et Faustina.
60. De s. Lucia de Monte Virginis.
61. De s. Marcellino Ebredunensi.
65. In Translatione s. Nicolai.
68. In Inventione s. Quintini.
70. De Reliquiis Ecclesiae s. Framfoaldi Silvanectensis.
78. De s. Valeria Lemovicensi.
82. Missa Ambrosiana. Praefatio.
Ad Matutinum.
Invitatorium.
Qui Iohannem diligebat,
Adoremus dulcem Iesum.
In Nocturno.
Antiphonae.
1. Iohannes, fac in laudibus
Iesu nos occupari,
A quo debent in nubibus
Mortales iudicari.
2. Iohannes iam praeteritas
Nos culpas deploremus,
Et agat Dei bonitas,
Illas ne replicemus.
3. Iohannes, patrocinium
Nos tuum imploramus,
Quo caeli sic fastigium
Securi conscendamus.
V. Sic Iohannes omnia
Paterna dimisit,
R. Quod Iesu vestigiis
Firmiter adhaesit.
Ad Laudes.
Super Psalmos.
A. Iohannes, cum collegium
Missorum congregavit,
Redemptor tunc te filium
Tonitrui vocavit.
V. Iohannes Iesu pectori
Caput adclinavit,
R. Cum suae mortis Dominus
Reum revelavit.
Ad Benedictus.
A. Iohannes. Iesu aemulus,
Dignus Dei apostolus,
Cum angelis laetatur,
Summi patris imaginis
Visu fruens et virginis
Iucunde delectatur.
Per Horas.
Ad Primam.
A. Iohannes, pie credimus,
Quod asinam minavit,
Quam Iesus, sicut legimus,
Dum fleret, equitavit.
V. A Iohanne caritas
Fuit praedicata
R. Suisque discipulis
Morte commendata.
Ad Tertiam.
A. Iohannes cenam ultimam
Cum Simone paravit
Iesu, qui morti animam
Pro populo donavit.
V. Iohannes multis lacrimis
Iesum sepelivit,
R. Post eius matri humilis
semper oboedivit.
Ad Sextam.
A. Iohannes, Dei filius
Prostratus tibi lavit
Pedes, quem Iudas impius
Argento commutavit.
V. Iohannes nunc in patria
Valde sublimatur,
R. De cuius magna gloria
Ecclesia laetatur.
Ad Nonam.
A. Iohannes amicitia
Plus cunctis Christo iunctus,
Dira fuit angustia
In sua morte punctus.
V. Iuxta crucem Domini
Iohannes pie stabat
R. Matremque cum filio
Amare deplorabat.
Ad Vesperas.
Super Psalmos.
A. Iohannes, multis lacrimis
Cum matre sepelisti
Iesum, quem poenis maximis
Affligi conspexisti.
V. Sic Iohannem virginem
Iesus peramavit,
R. Quod illi matrem virginem
Care commendavit.
Ad Completorium.
A. Iohannes cunctas Asiae
Ecclesias plantavit,
Quas singulas cotidie
Tam bene gubernavit.
V. In medio ecclesiae
Iohannes praedicavit,
R. Spiritu sapientiae
Quem Dominus implevit.
Super Nunc dimittis.
A. Iohannes inter proceres
Est primos paradisi,
Ob cuius fructus uberes
Sunt plurimi gavisi.