48.

1. Genitus
Divinitus

Idem, quod ingenitus.,
Editus
Humanitus

Hac in valle gemitus ;
Mira prolis unitas,
Germinat nativitas.

2. Nec a desiderio
Defraudata sobrio
Recreatur basio
Vili tecta pallio,
Cum sacra conjunctio,
Quam sine divortio
Casta generatio
Prodit in connubio.

3. Ad epithalamium
Excitat tripudium,
Salomonis studium,
Mitigator mentium,
David fert in medium
Lyram et psalterium
Praemiaque talia,
Tot et tam propitia.
Gratia
Propria
Danti laus et gloria.

4:9.

1. Fulget in propatulo

Lux aeternae gloriae,

Ortus est de rivulo
Fons misericordiae,

Vim ducit a surculo
Radix veniae,

Per quam tempus gratiae

Datur saeculo.

2. Floret Jesse virgula
Rore plena coelico,

Fugit Evae nebula
Eventu non logico,

Dum Christi virguncula
Non in lubrico

Spem ponit sed sedula

Servit unico.

3. Nesciens deficere

Defectus ingreditur,

Angelicum vivere

Famem, sitim patitur,

Temptatur, sed temere,
Mors incurritur,

Sed tamen exstinguitur

Orto sidere.