Acta Pii PP. XI 49

nales alvei de 31aringa, dein cursus fluminis Shelemba, idest limites septen-

trionales praefecturae, apostolicae de Coquilhatville; ad occidentem deni-

que Congus flumen.

Haec mandamus, edicimus, decernentes praesentes Litteras firmas,

validas atque efficaces semper exstare ac permanere; suosque plenos atque

integros effectus sortiri atque obtinere; illisque ad quos pertinent sive perti-

nere poterunt, nunc et in posterum amplissime suffragari; sicque rite iudi-

candum esse ac definiendum; irritumque ex nunc, et inane fieri, si quidquam

secus, super his, .a quovis, auctoritate qualibet, scienter sive ignoranter

attentari contigerit. Non obstantibus contrariis quibuscumque.

Datum Romae, apud Sanctum Petrum, sub anulo Piscatoris, die x x v n i

mensis Iulii anno MDCCCCXXVI, Pontificatus Nostri quinto.

P. Card. GASPARRI , a Secretis Status.

I I I

FACTA DISMEMBRATIONE TERRITORII E VICARIATU APOSTOLICO DE NYASSA

ET AGGREGATIONE PRAEFECTURAE APOSTOLICAE ZAMBESIAE, COMMUNIS

LIMES INNOVATUR.

PIUS PP. X I

Ad futuram rei memoriam. - Quae catholico nomini aeternaeque fide-

lium saluti bene, prospere ac feliciter eveniant, ea ut mature praestemus

Nos admonet supremi apostolatus officium, quo in terris divinitus fun-

gimur. Iamvero cum venerabilis frater Maturinus Guillemé, Episcopus

titularis Materensis, et Vicarius Apostolicus de Nyassa, in Africa Centrali,

Nos enixis precibus rógaverit, ut quaedam territorii pars Missionis suae

ab ipso vicariatu separaretur, et finitimae cederetur praefecturae aposto-

licae Zambesiae, ad id adnuente dictae praefecturae Ordinario, quo spiri-

tuali curae memorati territorii incolarum aptius provideatur, supral andati

Praesulis votis concedendum ultro libenterque existimavimus. Collatis

itaque consiliis cum venerabilibus fratribus Nostris Sanctae Romanae

Ecclesiae Cardinalibus negotiis Propagandae Fidei praepositis, motu pro-

prio atque ex certa scientia et matura deliberatione Nostris, deque apo-

stolicae Nostrae potestatis plenitudine, praesentium tenore partem terri-

torii vicariatus apostolici de Nyassa, sitam ad sinistram fluminis Loangwa

usque ad punctum in quo meridianum trigesimum primum attingit, nec

non partem territorii vicariatus ipsius ad sinistram meridiani eiusdem sitam,

e dicto de Nyassa vicariatu separamus atque dismembramus; easdemque