Acta Pii Pp. XI

bus patens, qui semper nova accipit incrementa, et ipsius Terrae Sanctae

cognitio, quae tam magistris quam discipulis accurate et per longa quoque

itinera exhibetur, nec non frequentiora in dies et subtiliora monumentorum

veterum studia atque explorationes. Optimo ergo iure dicere possumus

Nostrum istud ac dilectum Institutum Biblicum, hoc haud brevi temporis

intervallo, et feliciter respondisse Sanctae huius Sedis propositis ac votis,

et de religione deque scientiarum profectu egregie meruisse. Quare prae-

clari Athenaei moderatoribus et alumnis ex animo vehementerque gratu-

lamur, simulque iisdem ominamur, ut, divino afflante Spiritu, in incepto

tam felici omni cura et sedulitate pergant, et uberiores quotidie fructus

in bonum cuiusque suum, in proximorum utilitatem, in Ecclesiae decorem

et gloriam ex electo munere suo percipiant. Quorum quidem caelestium

donorum auspicium ac summae Nostrae voluntatis pignus apostolica sit

benedictio, quam tibi, dilecte fili, cunctisque Instituti istius professoribus

et alumnis peramanter in Domino impertimus.

Datum Romae apud Sanctum Petrum, die i i i mensis Maii, in Inven-

tione S. Crucis, anno MDCCCCXXXIV, Pontificatus Nostri decimo tertio.

PIUS PP. X I

III

AD EMUM P. D. GULÏELMUM TIT. S. CLEMENTIS S. R. E. CAED. O'CONNELL,

ARCHIEPISCOPUM BOSTONIENSEM, ANNUM A SUSCEPTO SACERDOTIO QUIN-

QUAGESIMUM CELEBRATÜRUM.

PIUS PP. X I

Dilecte fili Noster, salutem et apostolicam benedictionem.--Gratum

profecto nuper accepimus nuntium, te proxime memoriam suavissimam

renovaturum illius diei, quo ante annos quinquaginta Sacrum Deo primum

perlitasti. Etenim tam diuturnum sacerdotale ministerium, episcopali

auctum honore et splendore romanae purpurae decoratum, magnum est

divinae in te benignitatis argumentum. Sed laetamur quoque haud te

sivisse otio delitescere quod est tam insigni partum munere; immo usque

ab exordiis sacerdotii te studia viresque ad Ecclesiae incrementum adhi-

buisse, primum in civitate Medfordiensi, ubi primitias sacri muneris in

ecclesia Sancti Ioseph delibasti; deinde in hac ipsa alma Urbe, quum Sep-

temtrionalis Americae Conlegio praefuisti, sedulam curam impendens, ut

candidati ad sanctuarium, numero et virtute aucti, spem frugiferi aposto-

latus portenderent. Postquam vero, triginta tres abhinc annos, Portlanden-

A C T A , vol. II, n. 2. - 1-2-1035. i