40.

Oratio dominica.

1. Pater, creator

divinissime,

Noster amater

zelantissime,

2. Qui es In coelis

In omni gloria,

Miserere filiis

In hac miseria.

3. Sanctificetur

In nostris cordibus

Nomen Jesu Christi

Cum charismatibus.

4. Et regnet In nobis

Deus optimus,

Non caro, non mundus

Non diabolus.

5. Fiat voluntas

Tua regia

Semper In nobis

Abs renitentia.

6. Sicut est In coelis

In omni gloria,

Sic fiat In terris

Pro tua gratia.

7. Panem divinum

Semper nobis da,

Christum benedictum

Cum affluentia.

8. Et dimitte debita

Licet maxima,

Supra modum gravia

Licet et plurima.

9. Sicut nos dimittimus

debitoribus

Condonando omnibus

Culpas ex cordibus.

10. Et ne nos Inducas

In hostis laqueum,

Sed demonstra quodlibit

sathanae conatum.

11. Libera, salvator

Clementissime,

Nos a malis omnibus

In tuo nomine.

12. Amen dicamus

Omnes pariter.

Ut nobis relaxet

Culpas benigniter.