46. In Annuntiatione BMV.

1 a. Rex caeli et terrae
Nolens ultra ferre
Mittit ad virginem
Per fortitudinem

Spem, vitam bominum.

1b. Haec salutatio,
Vera perfectio,
Saluti congruit,
Dum virgo protulit
Caelestem Dominum.

2 a. Mutavit naturam

Caelestis arbiter,
Humanam figuram
Adiunxit pariter
Suae deitati.

2 b. Salvavit facturam
Natus viriliter,
Omnem nocituram
Fugavit fortiter
Reddens sanitati.

3 a. Fortis prosiliens

Ex membris virginis,
Carnem conficiens
Miseri hominis,
Factor gloriosus;

3 b. Votum abiciens

Tenoris veteris,
Normam conficiens
Novis ex literis,
Forma speciosus.

4 a. Dum Are protulit

Angelus virgini,

Hoc fetum detulit

Matri et virgini

Casto in gremio.

4b. Attende, pudica,
Audi, mirifica,
Verba angelica,
Te virtus caelica
Umbrat in utero.

5 a. Placet haec unio
Flori virgineo,
Rosa cum lilio
Gaudet de filio
Regnante in solio.

5 b. Erunt solacia

In caeli patria,
Tolluntur vitia
Per mundi spatia,
Nam datur gratia.

6. Ubi trinus regnas
Et solus gubernas,
Ibi constituas
Miserans animas
In caeli palatio.