50.

1. Fulget dies celebris,
Lux glorificanda,

Qua peperit filium
Virgo veneranda,
Per quem detestanda
Mors erat vitanda
Gensque miseranda
Morte relevanda.

Fraus interit,

Salus redit

Omnibus adoranda,

Dum genitum principium

Producit mater omnium.

2. Quidquid nos perdidimus

Sub primo parente,
Totum nobis redditur

Sub novo nascente,

Matre pariente

Cantant laeta mente

Organo stridente

Gentes sic redemptae.
Referat,
Quod laeserat

Fraus Eva corruente,
Quod redditur, dum nascitur
Hic, per quem mundus regitur.

3. Orta stirpe regia

Virgo parit florem,
Mundus lapsus floruit

Cujus ad odorem,

Deitas honorem

Salvat contra morem,

Nam virgo rectorem

Parit meliorem.
Sidus clarum
Fulget carum,

Nobis monstrat splendorem,
Nam latuit, quod patuit,
Cum Christus nasci voluit.