49. De Commendatione BMV.

In 1. Vesperis.

Antiphonae.

1. Cubante Jesu dolorose

In crucis patibulo

Accessit mater lacrimose

Sub cruce stans in patulo,

Quam intuens amorose

Commendat discipulo.

2. Filii praesentia

Mater destituta

Ut Cedar tabernacula

Est nigra constituta.

3. Felicior erat mater

Concepto Dei radio,

Sed erat infelicior

Orbata tanto filio.

4. Sol virginem coloravit

Decore conceptionis,

Sed eam decoloravit

Dolore compassionis.

5. Recolorata dicitur

Dulcis virgo et mater

In resurrectione filii,

Dei genitrix et martyr.

R. Dum Tobias filio

Vias virtutum demonstravit,

Figurando et notando

Christum designavit,

Cum amentem et dolentem

Sibi matrem commendavit.

V. Christus sol verus oriens

Ac in crace moriens

Secreta discipulo

reseravit.

Ad Benedictus.

A. Simeon, vates Domini,

Ad te reginam caeli

Tuam praedixit sanctissimam

Gladium vibrare animam,

Tuam igitur agentes

Compassionis memoriam

Perduc precibus

Ad perennem gloriam.

Ad Matutinum.

Invitatorium.

Christum pro nobis passum

Adoremus Dominum,

Qui pie respexit matrem

Secum in dolore positam.

In Nocturno.

Antiphonae.

1. David regem dum fugavit

Persecutoris gladius,

Patrem, matrem praeservavit

A malo devotus filius.

2. Dulcem parentis animam

Tunc pertransivit acrius

Juxta verbum Simeonis

Passionis gladius.

3. Dum Simeonis gladius

Animam matris perforavit,

Tunc Christus in cruce positus

Virginem virgini commen-

davit.

Responsoria.

1. Verbum prophetae caelitus

Nati supplet inopiam,

Sed vitae natus redditus

Matris pellit tristitiam ;

V. Lignum crucis

intulit maestitiam

Dulci matri

per mortis miseriam.

2. Verbum vitae

dum palam moritur,

Legis mandati

parens ostenditur,

Clamant omnes: vincitur,

Hinc fides extollitur.

V. Christus in cruce

dum triumphavit,

Matrem discipulo

commendavit.

3. Mater parens Christi,

in luctu dum exstitisti,

Es consolata

per verba filii grata,

Sic commendata

discipulo, virgo beata.

V. Et tu, mater pia,

tuo nato nos recommenda.

In Laudibus.

Antiphonae.

1. Fides Mariae virginis

Consumpta Jesu passione

Excessit sidus apostolicum

Immobili adhaesione.

2. Fides Mariae latuit

In Christi mortis triduo,

In lucem tandem prodiit

Multiplici miraculo.

3. Discipulis recedentibus

Maria perduravit

Stabilis in fide,

Sic illos educavit.

4. Fides catholica

Recepit tunc incrementum,

Dum virgo theotocos

Tenuit fundamentum.

5. Te invocamus, o beata

Potissime ad vitaeterminum,

Conserva nos in fide grata,

Devotum tibi populum.

Ad Benedictus.

A. O mundi lampas

Et margarita praefulgida,

Quae in morte filii obfuscata

Fuisti et commendata

Discipulo, reformata

Exstitisti, Maria,

Mater Christi semper pia,

Exoratrix pro nobis ora

Ad Deum, qui te elegit.

In 2. Vesperis.

Ad Magnificat.

A. O lumen ecclesiae,

Christus, verus Deus,

Moriens in cruce

Nec peccati reus,

Matrem tibi con dolentem

Vidisti in populo,

Quam quasi morientem

Commendasti discipulo.