41.

De B. V. Maria.

1. In laudem matris piae,

Genitricis Mariae,

Decantet Virginum

Chorus et angelorum,

Agmina beatorum

Coetusque hominum.

Vates praenuntiavit

Sacro spiramine,

Rubus ardens monstravit,

Virga frondens formavit

Flore cum germine.

Puellam fecundavit

Non Viri semine,

Sanctus sed obumbravit

Spiritus, impregnavit

Divino flamine.

2. Rex per portam transivit,

Ezechiel ut Vidit,

Clausaque permansit.

Post partum nato prole

Virginitatis flore

Manente pertransit.

Puella generavit

Castis Visceribus

Regem, solum creavit,

Polum qui adornavit

Claris sideribus.

Angelus nuntiavit

Palam pastoribus,

Exercitus laudavit

Dominumque donavit

Pacem hominibus.

3. Stella ducatum praestat.

Filium Virgo gestat

Domus In stabulo,

Magus munera defert,

Aurum, thus, myrrham offert

Kegi Infantulo.

Praesepi reclinatur,

Qui coeli solio

Residet, dominatur,

A cunctis adoratur,

Potens dominio.

Virginem salutemus

In puerperio,

Natum regem laudemus,

Ut bene conregnemus

Dicamus Domino.