CAPUT II.

Quod hoc sacramentum facit communicare Angelorum gloriae.

Hoc etiam sacramentum nobis commu nicationem praestat Angelorum gloriae. Gloria enim Angelorum consistit in reparatione ruinae angelicae, consistit etiam in affectu ministerii injuncti, consistit in illuminatione divina, et consistit in reductione in divinam perfruitionem.

Ruina autem Angelorum ex hoc reparatur sacramento : quia non reparatur nisi de his qui incorporantur Christo, sicut ipse dicit, Joan. III, 13 : Nemo ascendit in caelum, nisi qui descendit de caelo, Filitts hominis, qui est in caelo. Si autem nemo ascendit nisi Filius hominis, pro certo nemo ascendit nisi incorporatus Filio hominis: nullus autem incorporatur corpori mystico nisi per corpus verum et sumptionem ipsius : oportet igitur, quod per corpus Christi ruina Angelorum restituatur : restituti igitur communicant gloriae Angelorum per communionem corporis Christi. Deuter. XXXII, 8, secundum translationem Septuaginta : " Statuit terminos populorum juxta numerum Angelorum Dei . " Termini autem illi sunt termini gloriae Angelorum. Hinc

est, quod dicuntur homines esse fratres Angelorum : quia sunt de sorte gloriae Angelorum. Matth.XVIII, 10 : Angeli eorum semper vident faciem Patris mei qui in caelis est.

Sic etiam si fideles incorporantur Christo, perducitur ad effectum ministerium angelicum. Ad Hebr. I, 14, dicitur : Nonne omnes sunt administratorii spiritus, in ministerium missi propter eos qui haereditatem capient salutis ? Non modicum igitur gloriae habent, quando eorum impletur ministerium. Hinc est, quod gaudere dicuntur in paenitentiis peccatorum, et fiere et tristari in peccatis commissorum. De primo quidem dicitur, Luc. XV, 10 : Gaudium erit coram Angelis Dei super uno peccatore paenitentiam agente. Econtra dicitur, Isa. XXXIII, 7 : Angeli pacis amare flebunt, hoc est, ad modum flentium se habebunt: quia desiderant ut Christo sibi ad custodiam commissi incorporentur, et sic redeant ad communionem gloriae Angelorum. Et sic per sacramentum et communionem ipsius ad communionem redimus Angelorum, sic participamus divinas illuminationes : quia, sicut dicit Dionysius, lex divinitatis est per prima media, et per media ultima reducere. Unde sicut Angeli illuminantur a Christo etiam secundum humanitatem, secundum quod dicitur, i Petri. I, 12 : in quem desiderant Angeli prospicere. Glossa : " Etiam secundum humanitatem. " Sicut ergo a Christo illuminantur, ita et in illuminationes Christi reducere intendunt homines sibi commissos. Per hoc autem

Christo spiritualiter incorporantur, et communionem percipiunt sanctorum Angelorum per incorporationem Christi. Job, xxv, 3 : Numquid est numerus militum ejus, et super quem non surget lumen illius?

Sic enim homines et Angeli unam habent communem illuminationem, et unam caelestis civitatis communionem. Apocal. XXI, 23 : Civitas non eget sole, neque luna, ut luceant in ea : nam claritas Dei illuminavit eam, et lucerna ejus est Agnus. Sic igitur communicant illumi nationes Angelorum.

Participant etiam Angelorum gloriae in reductione ad Deum, ad quem omnis illuminator suum intendit reducere a se illuminatum. Dicit enim, Eccli. I, 5, quod fons sapientiae est verbum Dei in excelsis. Cum igitur fons sapientiae sit primum illuminans, omnis Angelus illuminatas animas reducit ad Verbum : non autem ad Verbum reducuntur nisi qui verbo et lumini incorporantur. Unde de talibus dicitur in Psalmo lxxxviii, 16 et 17 : Domine,in lumine vultus tui ambulabunt : et in nomine tuo exsultabunt tota die, et in justitia tua exaltabuntur. Quia tales in lumine Dei assumpti, Christo lumini incorporaliter assimilantur et incorporantur : quia dicitur, ad Philip. iii, 21, quod reformabit corpus humilitatis nostrae configuratum corpori claritatis suae.

Sic enim gloriae Angelorum communicamus per hoc quod Christo incorporamur.