g I.

Sed contra :

1. Christus Iudaeis promissus fuit et exhibitus : ergo in terra eorum concipi debuit.

2. Item, In Judaea natus, passus, et sepultus est: ergo et in Judaea nuntiari debuit.

3. item, Ipse dicit: Non sum missus nisi ad oves quae perierunt domus Israel^ : si ergo eis tantum missus fuit, inter eos concipi debuit.

4. Item, Salus ex Judaeis , et non ex Gentibus : ergo si dicitur, quod propter hoc Dominus in Galilaea natus est, quia Propheta hoc praedixit: Populus qui ambulabat in tenebris , etc. : hoc nihil videtur esse, cum non propter hoc impleta sit prophetia, quoniam sic praedixit: sed ideo Propheta praedixit, quoniam sic futurum fuit. Unde ubicumque sic dicitur: Hoc autem factum est ut impleretur Scriptura, sensus est: Et sic Scriptura impleta est.