51. De ss. Iusto et Clemente.

Ad Vesperas.

Antiphonae.

1. Laetetur ecclesia

Mater voto mentis,

Recolens sollemnia

Iusti et Clementis.

2. Horum vera fraternitas

Probatur Deo grata,

Quam exornat integritas

Carnis immaculata.

3. Isti sunt triumphatores

Mundi, carnis inimici,

Vanitatis contemptores,

Dei facti sunt amici.

4. Patriarchae sectatores

Exiverunt patriam,

Divini praedicatores

Verbi petunt Italiam.

Ad Magnificat.

A. Veneremur sanctos patres,

Iustum et Clementem fratres,

Quorum carnis fraternitas,

Magis perfecta caritas,

Mundi ac caeli socia

Pari locatur gloria.

Ad Matutinum.

Invitatorium,

Regem regum sempiternum

Dignis colamus laudibus,

Qui regnum dedit aeternum

Iusto et Clementi fratribus.

In 1. Nocturno.

Antiphonae.

1. Beati pestilentiae

Cathedram refugerunt,

Magis oboedientiae

Viam ambulaverunt.

2. Quare sancti disciplinam

Visi sunt apprehendere,

Evangelicam doctrinam

Docentem cuncta spernere.

3. Cum invocarent Dominum,

Audiri meruerunt,

Viros dolosos sanguinum

Sancti cum fugaverunt.

4. Verba percepit auribus

Dominus confessorum,

Orantium pro frugibus

Fame tribulatorum.

5. Domine, mirabile

Nomen cognoverunt

Tuum, formidabile

Quod praedicaverunt.

6. In Domino fiduciam

Iactaverunt totam,

Linquentes provinciam

Pergentes ad ignotam.

Responsoria.

1. Iustus et Clemens nomine,

De genere nobilium

Fratres partium Africae,

Refugiunt mirifice

Consortium affinium,

Levi ne peccent famine.

V. Admiranda fraternitas,

Quam servat Dei pietas

Impollutam a crimine.

2. Exeuntes de patriae

Solo, relicto proprio

Fines intrant Italiae,

Vulterram dictam hodie

Pergunt Dei consilio,

Corruptam tunc perfidia.

V. Magnam gentem copiosam,

Rebus miris speciosam,

Nominatam Atitonia.

3. Replent terram semine

Divini verbi, germine

Pleno fructum percipiunt

Sacramenta tribuentes,

Convertendo cunctas gentes,

Fideles sic efficiunt,

V. Orantes ab haeresibus,

Forinsecus ab hostibus

Civitatem eripiunt.

4. Orta fames cives ferit,

Gens clamabat, quia perit,

Confessorum auxilium,

Et ferte dicunt populis:

Cras vestris coram oculis

Videbitis suffragium.

V. Reperiuntur frugibus

Mane sanctorum precibus

Horrea plena civium.

In 2. Nocturno.

Antiphonae.

1. Domine, sine macula

Tui confessores

Sacri montis per saecula

Fiunt possessores.

2. Domine, in virtute

Tua lactabantur,

A sua iuventute

Cum te sequebantur.

3. Domini potentia

Sanctis est collatum

Servare pudicitia

Cor immaculatum.

4. Exaudivit Dominus

Preces confessorum,

Liberans eos protinus

De manu malignorum.

5. Te decet hymnus, Domine,

Qui habitans in homine

Templum facis sanctitatis,

Omnis replens bonitatis.

6. Bonum nobis confiteri

Est Domino altissimo,

Psallere. qui misereri

Ut pater scit piissimo.

Responsoria.

1. Nocte sanctis orantibus,

Guandalis quiescentibus,

Omne bladum exterius

Simul fertur interius

Angelico praesidio ;

V. Aeternae rex clementiae

Novum genus potentiae

Sanctorum dat arbitrio.

2. Iratae gentes efferae

Ad arma currunt propere

Spoliatae cibariis,

Pressae famis angustiis;

V. Faciunt pro lapidibus

Afflictis plagis variis

Proici panes hostibus.

3. Mira res et laude digna.

Fit clementia benigna,

Turba nocere cupiens,

Gustato pane furiens,

Turbata coepit fugere,

Quaeque praerupta petere.

V. Instante tota civitas

Ad laudes surgit debitas

Tanto recepto munere.

4. Una voce tollitur

Iustus, constituitur

Pontifex civitatis,

Docet mundum spernere,

Caelum semper quaerere,

Locum securitatis ;

V. Novas praesul factus gregis

Formam tenet summi regis,

Sedem humilitatis.

In 3. Nocturno.

Ad Cantica.

A. Sanctorum sapientiam

Narrabat omnis populus,

Eorum providentiam

Quia cernebat oculus.

Responsoria.

1. Fabricant ecclesiam,

Domum orationis,

Foris portam Antoniae,

Praestant ibi gratiam

Causa devotionis

Euntibus cottidie ;

V. Vacabant sacris stadiis,

Hymnis, psalmis, ieiuniis,

Doctrinarum vigiliis.

2. Elegerunt asperrimum

Ferarum animalium

Locum valde deterrimum,

Daemonum infernalium,

V. Consecrant Dei laudibus,

Fit sacrum domicilium

Cunctis purgatum sordibus.

3. Carnis degentes sensibus

Sucurrebant dolentibus,

Quibuscunque languoribus

Suis orationibus,

V. Imperant daemonibus,

Pellunt de corporibus,

Assistunt invocantibus.

4. Iusta iustis venit dies,

Quo perennis datur quies

Viantium laboribus,

Redditur simul gloria

Conformis, par victoria

Iusto et Clementi fratribus.

V. Ecce, vere datur vita

Digna mortali finita

Domini confessoribus.

In Laudibus.

Super Psalmos.

A. Terret poena detrahentes

Beatis confessoribus

Duos, qui fiunt rigentes

Corporis membris omnibus.

Ad Benedictus.

A. Benedictus rex gloriae

Sit, qui caelestis patriae

Regni confert munus

Sanctis, quorum precibus

Nobis supplicantibus

Det trinus et unus.

Per Horas.

Ad Primam.

A. Horarum vigiliae

Per hos sunt custoditae,

Nunc ad bonum gloriae

Audiunt Venite.

Ad Tertiam.

A. Fideles isti Domini

Servi sunt probati,

Suo dantes nomini,

Quae sunt operati.

Ad Sextam.

A. Beati servi vigiles

Hi patres sunt inventi,

Bono pastori similes,

Errantibus intenti.

Ad Nonam.

A. Horum sacrata servitus

Deo grata probatur,

Quae festum sancti spiritus

Semper concomitatur.

In 2. Vesperis.

Ad Magnificat.

A. Magnificat divinitas

Confessores virtutibus,

Sanctorum immortalitas

Probatur ex operibus,

Gratiam pracstantium

Quibuseunquelanguentibus,

Optatum praesidium

Cunctis [dnnt] petentibus.