51. De septem gaudiis BMV.

In 1. Vesperis.
Super Psalmos.
A. Gaude, felix

inventrix gratiae,

Mundi salus,

mater christifera,
Dei patris

obtentrix veniae,

Nova caeli

dans orbi foedera,
Venerantes

tuae laetitiae
Memoriam

a morte libera.

Ad Magnificat.

A. O Maria,

gratum commercium
Procurasti

votis fidelium,
Justis vitam,

reis remedium,
Tibi decus

matris et gaudium.

Ad Matutinum.
Invitatorium.

Summum Dominum gloriae,

Venite, adoremus,
Matri plenae laetitiae,

Venite, exsultemus.

In 1. Nocturno.
Antiphonae.

1. Perfecisti laudem matris
Conceptus in virgine,
Quam obumbrat virtus patris
Absque viri semine.
2. A summo caelo egressus
Matris intrat viscera,
Inde nascens est egressus
Tollens mundi scelera.

3. Super maria fundata,
Mater maris nescia
Per reges est honorata
Nati stella nuntia.

Respoiisoria.

1. Arca divini foederis,
Caeli plena dulcore,
Regalis virgo generis,
Novo fecunda more,

Gaudet misso de superis
Angelo cum fulgore
Castitatis amore ;
V. Nuntiat eximia

Gabriel miranda Mariae.

2. Benedicta sterilis
In fecunditate,
Mater ineffabilis

Cum virginitate
Gaudet admirabilis
Pro nativitate ;
V. Angelus angelicum

pastoribus intonat hymnum.

3. Currant magi

stellae regimine,
Regem quaerunt

natum de virgine,
Profitentur

Deum in homine,
Gaudet mater

tali solamine;
V. Mente Deo prona

dant trino tres tria dona.

In 2. Nocturno.
Antiphonae.

1. Adstat a dextris regina
Cum ingenti gaudio,
Mortis subtracta ruina
Resurgente filio.
2. Laetificat civitatem
Dei raptus hominis,
Immittens jucunditatem
In cor matris virginis.
3. De te dicta gloriosa
Sunt, civitas veniae,
Donis manans gaudiosa
Multiformis gratiae.

Responsoria.

1. Dormientis

maerore filii
Sauciata

est mater quaerula,

Resurgentis

non expers gaudii
Regnaturum

cernit per saecula.
V. Quarta resurgente

fit Christo mane nitente.
2. Exaltatur

ad caeli culmina
Hinc assumptus

nubis obsequio,
Comitantur

polorum agmina,
Gaudet mater
regnante filio.
V. Quinta fuit nati

terris super astra levati.
3. Factus de caelo sonitus
Fratrum replevit intima,
Missus in igne spiritus

Dona praebuit optima,
Gaudet mater cum genitus
Tam sublimavit infima.
V. Venit in igne datum

cum sexta pneuma beatum.

In 3. Nocturno.
Antiphonae.

1. Annuntient inter gentes

Nunc assumptae gaudium
Matris in mundo degentes
Et poscant suffragium.
2. Lux justo tunc est exorta,
Dum Maria nascitur,
Patefacta vitae porta,
Quando Christus moritur.
3. Notum fecit salutare

Parens munus regium,
Surgens, scandens confirmare
Conscensus caelestium.

Resportsoria.

1. Elisabeth

infans in utero
Verbi matrem
adesse praedicat,

Exsultando

venti christifero
Se prophetam

et matrem indicat.
V. Dum puer exsultat,

mater propheta resultat.

2. Gratulanter

de terra vehitur
Christi mater

ad regni solium,
Carne, mente

cunctis praeponitur,
Gloriosa

choris caelestium.
V. Septimo laetatur,

cum caelis virgo beatur.

3. Intercede, mater Christi,
Pro te venerantibus,
Gaudia, quae meruisti,

Praebens supplicantibus,
Tandem victo hoste tristi
Nos junge regnantibus.
7. Ora voce, pia,

pro nobis, virgo Maria.

In Laudibus.

Antiphonae.

1. Domum tuam, Domine,
Decet sanctitudo,
Quam fecit in virgine
Summa celsitudo.

2. Intremus in atria
Digne mentis piae
Depromendo gaudia
Virginis Mariae.

3. Terra dedit nobis fructum
Caeli fusa rore,
Gaudens tollit Evae luctum
Nato salvatore.

4. Benedicant omnia
Matrem salvatoris,
Quae per septem gaudia
Donet Yim amoris.

5. Omnes gentes, Dominum
De caelis laudate,
Qui dat matri geminum
Decus illibatae.

Ad Benedictus.

A. Benedicta

mater altissimi,
Gaudiosa

mundi spes unica,
Praestet nobis

adversa reprimi
Et perducat

ad regna caelica.

In 2. Vesperis.

Ad Magnificat.

A. O mater clementiae,

Aula trinitatis,
Plena donis gratiae

Et jucunditatis,
Te laudantes hodie

Mundans a peccatis
Data mundo requie

Conjunge beatis.