52. Septem hymni continentes passionem Christi.

Ad Completorium.

1. Iesu, superni radius candoris,

Virtus et decor deici splendoris,

Vita et dulcor ardorque amoris

Es, Christe summe.

2. Tu visitare virginem venisti,

Mire fecundans de rore caelesti,

Iesu, adimplens olim, quae dixisti,

Desiderate.

3. Factum es caro, verbum summi patris.

Lacteque pastus, virtus, vitae panis,

Et reclinatus praesaepio, Iesu,

Ac crucifixus.

4. Rutilans stella te solem ostendit,

Iubilat iustus teque lumen dicit,

Patria tua exsulque fugaris,

Iesu, nunc natus.

5. Te [lux] lucernae, Iesu, subdidisti

Antrumque intrans vere ieiunasti,

Morbidos sanans mundum docuisti

Sana doctrina.

6. Pauperes, Iesu, o quam dilexisti,

Corpore tuo de ipsos cibasti,

Te pane vivo et virginis fructu,

Hostia sacra.

7. Iesu, tuorum pedibus extersis

Montem ascendens pie praedicasti,

Maestus et pavens ter patrem orasti,

Sanguine mades.

8. Traditum tradis fustibus et armis,

Te, Iesu, mitem atrociter vallant

Sanguinum viri, traditoris signo,

Osculo pares.

9. Dulce distillans, Iesu mansuete,

Zelum compescens tui defensoris,

Sanas contactu tuum adversantem,

Fons pietatis.

10. Manus atroces te Iesum contrectant,

Funes extendunt teque vincientes

Dire astringunt reversis post tergum

Manibus tuis.

11. Iesu percusso disperguntur oves

Viamque quaerunt devie pergentes

Ac ingemiscunt, trabere videntes

Dulcem magistrum.

12. Iesu ligato lictores laetantur,

Concite currunt Annae deducentes,

Senesque ruunt sese adgregantes

Ad exprobrandum.

1S. Gloria tibi sputis deturpato,

Iubilus laudis verbis exprobrata,

Honor, potestas clavis perforato

Iesu pro nobis.

Ad Matutinum.

1. Vox invalescit subsaunationum,

Sonat insultus increpationum,

Senibus coram, Iesu, collocatus

Ad inquirendum.

2. Testis inculpat falsa proponendo,

Pontifex clamat Iesum adiurando,

Filium Dei audit se dicendo

Nube venturum.

3. Tunc rugit princeps rabie ferali,

Veste conscissa eiulans proclamat

Voce maligna, Iesum reum mortis

Contio crepat.

4. Irruit tunc gens impetu crudeli,

Manu maligna Iesum colaphizat,

Terrae curvatur pes percutientis,

Crebro conculcat.

5, Facies livet crebris maxillatis,

Resonat dorsum ictibus ferinis,

Crines evellunt tractibus obliquis

Iesu concusso.

6. Species clara turpius sordescit,

Sputis obtecta abiectius fluit

Barba illita maculosae faecis

Iesu consputo.

7. Claviger caeli a longe secutus

Ter Iesum negat, ter interrogatus,

Sed recordatur praeconii Christi

Gallo canente.

8. Dulci respectu Iesu vulnerasti

Petrum, collapsum pie sublevasti,

Cor frigefactum fervere fecisti

Igne amoris.

9. Ad eum dulce intuitus, Iesu,

Saucium sanans erigensque casum,

Aridum vertens in amaro fletu

Maesti maeroris.

10. Iam taediato ore exprobrantis,

Iam perlassato pugno quatientis

Carcere taetro stricte catenaris,

Iesu afflicte.

11. O flos candoris, sputis maculatus,

Fervor amoris, frigore constrictus,

Iubar solaris, tenebrosis trusus,

Es, Iesu clare.

12. Gloria tibi sputis deturpato,

Iubilus laudis verbis exprobrato,

Honor, potestas clavis perforato

Iesu pro nobis.

Ad Primam.

1. Mane concurrit coetus sacerdotum,

Senes et scribae concilium ferunt,

Iesum ut tradant turpissimae morti

Interimendum.

2. Iesum educunt viles vinclis plexum,

Statuunt ipsum medio eorum,

Aggredientes verbis perversutis

Interrogando.

3. Nequiter quaerunt modo de doctrina:

Si tu es Christus, nobis palam dicas.

Dei a dextris te, Iesu, sessurum

Fore affirmas.

4. Iesu insultans turba proclamosa:

Ore de buius audivimus, clamant,

Filium Dei dicens se sermone

Quali blasphemat.

5. Cito surgentes manibus ligatum

Iesum praesentant praesidi Pilato,

Agnum tradentes cani truculento

Deglutiendum.

6. Senes assistunt voce clamorosa,

Iesum incusant acuentes linguam,

Obicientes superstitiosa

Esse locutum.

7. Praeses ut quaerit denuo de noxa,

Plebem commovent, clamat gens maligna:

Docens subvertit prohibetque regi

Dare tributa.

8. Fore ut audit tunc a Gallilaea

Iesum, remittit Herodi tetrarchae,

Currit post ipsum plebs tumultuosa

Malignatorum.

9. Ferunt profani accusationem,

Quaerunt constanter interimi morte,

Crucifigendum regem aequitatis

Iesum iniuste.

10. Gaudet Herodes viso Iesu valde,

Ipsum propulsans vario sermone,

Sed obmutescit agnus vinculatus

Coram tondente.

11. Spernit tyrannus Iesum quiescentem,

Ei circumdans illusivam vestem,

Saevitque coetus dans derisiones

Regi abiecto.

12. Iesum educunt coetu satiato

Illusione mitissimi agni,

Rursum festine derisu vestitur

Habitu albo.

Ad Tertiam.

1. Praecepit praeses Iesum spoliari,

Veste nudatum columnae astringi,

Duris flagellis durius mactari

Manu immanum.

2. Candida caro sanguine rubratur,

Nitidi artus plagis laniantur,

Ictus tortoris crebro iterantur,

Iesu, ingentes.

3. Rude flagellum Iesum circumcingit,

Funis nodosa livores apponit,

Manus versata acerbius angit

Dorsum et latus.

4. Lacera manus lacerando lassa,

Pallio rubro Iesu tunc amicto

Coetus accurrit acrius attritum

Cruciaturus.

5. Spinoso serto, Iesu, coronaris,

Fluunt, ut figunt, cruoris fluenta,

Madent capilli, oraque rubescunt

Sanguine lita.

6. Genua flectunt Iesum illudentes,

Quatiunt caput arundine sumpta,

Regem salutant prave conspuentes

Facie nuda.

7. Iesum illusum foras educentes,

Diadematum sceptrumque ferentem,

Turbis ostensum, dupla voce dicunt:

Crucifigatur.

8. Non reum mortis Iesum iudex fatur,

Crescit tumultus optioque datur,

Nequam dimisso iustus crucifigi

Sententiatur.

9. Suscipientes tunc Iesum ministri

Crucem imponunt umeris lassatis,

Foras educunt iniquis duobus

Associatis.

10. Dorsum oppressum onere curvatur,

Umeris cassus labore lassatur,

De verecundis Iesus subiugatur

Cruciamentis.

11. Auget vox vulgi Iesum protrabentis,

Alteque clamat os praeconizantis,

Clangitque tuba turbam convocantis

Ad intuendum.

12. Vox olim versa Hosanna dicentis,

Vox amicorum matrisque gementis,

Vox Iesu pia fiere prohibentis

Maestum dant sonum.

Ad Sextam.

1. Mortis ad montem te, Iesu, deducto

Tuo nudaris [dire] vestimento,

Tibi haerente ac conglutinato

Plagis cruentis.

2. Quasi leprosus tunc apparuisti

Oculis coram populi astantis

Tuis verendis velo matris tuae,

Iesu, velatis.

3. Atterit casus caterva pellente

Virginis artus durius caedentes,

Tenera caro ligno datur duro

Iesu everso.

4. Pellis in modum Iesum expandentes

Sauciant manus, pedes perforantes,

Clavis acutis [hunc] crucifigentes

Malleo malo.

5. Arida guttis roseis rigatur

Crux, pretiosis gemmis adornatur,

Sanguis defluit, Iesus vacuatur

Largis fluentis.

6. Titulo scripto literis diversis,

Iesu confixe, sursum elevans

Vento expansis visceribus tuis

Dire distentis.

7. Iesu erecto brachia tenduntur,

Pondere sacro genua flectuntur,

Manus pedesque rupturis vexantur

Ferro confossi.

8. Duo adduntur ad confusionem,

Crucifiguntur hinc, inde latrones,

Medium Iesum poenae deputatum

Cum sceleratis.

9. Dividunt sorte milites et vestes,

Capita movent Iesum blasphemantes,

Dicunt, descendat nunc Christus de cruce,

Praetereuntes.

10. Te suspendentes tunc orans excusas,

Iesu, latroni paradisum donas,

Virginem matrem virgini commendans

Transgladiatam.

11. Anxia voce, Iesu, proclamasti:

Me, Deus meus, cur dereliquisti?

Potum consumis, potans acetosum

In tua siti.

12. Obtenebrescit luctu compassivo

Iesu suspenso claritas solaris.

Radios claros claritatis suae

Cruentis tegens.

Ad Nonam.

1. Crucis in ara Iesu cruentato,

Iam lacerata illibata caro,

Torrida membra pendent in vexillo,

Plena pallore.

2. Vespere venis Iesus vacuatis

Sanguine suo reis sociatus

Caput inclinat velut donans matri

Vale doloris.

3. Caro carentis carie pallescit,

Fervens amoris clibanus frigescit,

Liberans limbum labore labescit

Iesu languente.

4. Oculi pii poena deprimuntur,

Lumina clara morte caligantur,

Ora marcida Iesu alterantur

Agonizante.

5. O quo dolore cor tuum liquescit!

Iesu, degustas motus maestae mortis,

Flens cum clamore spiritum commendas

Manibus patris.

6. Iesus despirans, terra contremiscit,

Petrae quassantur, velumque scindetur.

Solvitur captus, infernus patescit

Portis confractis.

7. Funes funesti funere franguntur,

Fauces fallentis ferculo falluntur,

Cornua mortis Iesu moriuntur

Morte crudeli.

8. Turba terretur, miles expavescit,

Tunditur pectus, clamor invalescit,

Testificatur: Vere iustus erat,

Filius Dei.

9. Praesidem rogat coetus Iudaeorum

Tollere statim corpora reorum,

Iesu infracto concrucifixorutn

Crura franguntur.

10. Crurifractores cruci propinquantes,

Iesum defunctum iam reperientes,

Lanceae ictu mox percutientes

Latus transfigunt.

11. Iesu transfixo poculum dulcoris,

Sanguinis unda, vinculum amoris,

Aqua fecunda, lavacrum nitoris

Manat praedalce.

12. Planctus duplatur, maeror ingravescit,

Corque torquetur, singultus accrescit,

Dum lanceatur Iesus in conspectu

Matris orbatae.

Ad Vesperas.

1. Luctu amaro noti lamentantes

Deficientem matrem comitantur,

Iesu astare fere non valentes,

Terrae sternuntur.

2. Iesus defunctus nunc annuntiatur,

Ioseph Pilatum supplex deprecatur,

Mortuum saltem cruce deponendum

Ut concedatur.

3. Praeses miratur Iesum iam obisse,

Certificatur a centurione,

Corpusque datur pro sollemnitate

Sepeliendum.

4. Iesum amici pie ut deponunt,

Recipit alma virgo inter ulnas,

Oraque ruunt clavorum fixuris

Ad osculandum.

5. Ungitur Iesus murratis unguentis,

Matris lavatur aquis gemebundae,

Dum reclinatur casibus obliquis

Super dilectum.

6. O quos singultus, virgo, protulisti

Vulnera tractans Iesu iugulati

Atque contemplans tantis aperturis

Esse confossum I

7. Matris amaris osculis acceptis

Linteis Iesus colligatur mundis

In monumento fletibus immensis

Ac collocatur.

8. Saxo sepulcrum Iesu obseratur,

Orphana mater o quam anxiatur,

Consono fletu coetu mulierum

Associata!

9. Finem donante die dolorosa

Ducitur domum Iesu destituta,

Gressu nutante umeris notorum

Superinnixa.

10. O quam amaras, mater sustinebas

Poenalitates ! luctu languefiam

Iesu promendo caritatem intus,

Prole privata.

11. Virgo poenarum domum introgressa

Querule gemit: o Iesu, spes sola,

Soloque labens ploratu poenali

Est saturata.

12. Nunc desolatur turba provoluta,

Nunc anxiatur mater lacrimosa,

Nunc adgravatur Iesum personando

Vox gemebunda.