Capitulus 15

Item quod filius spirat spiritum sanctum.

Ulterius autem habetur ex auctoritatibus praedictorum expresse quod filius spirat spiritum sanctum. Dicit enim Athanasius in epistola ad serapionem: filius de patre genitus, de sua immensa essentia non extra se, sed intra se, immensum deum spirat spiritum sanctum. Item Cyrillus dicit in exhortatorio sermone ad theodosium imperatorem: salvator de se ipso producit spiritum, et spirat, sicut et ipse pater.