50. De sancto Ioseph.

1. Dignas Ioseph iusti laudes
intonent christiani.

2. Vir hic castus virgini,
matri futurae Dei,
sponsatur prae cunctis
huius orbis.

3. Nutrit panem caelicum,
casta coniuge factum
hominem, ut salvet
peccatores.

4. Oboedit Maria

huic cum prole pia,
cui trina machina
mundi servit per saecula.

5. Reclinat in praesaepio,
patris qui manet gremio,
suaque gestant brachia,
palmo qui claudit aethera.

6. Degit sub illius cura,
qui regit omnia.
Custos virginis,
nos tua prece

7. Iustos fac et castos omnes
et tibi devotos
facias cives
regni caelestis.