51. De Nominibus BMV.

1. Flos virginum, mors criminum,

Miserorum spes unica,

Maria lux, Maria dux

Et stella non erratica,

5. Maria mons, Maria fons.

Maria, mater publica,

Maria flos, Maria dos,

Maritans imis coelica,

Maria pax, Maria fax,

10. Illuminans umbratica.

Maria, virgo coelica,

Orta stirpe Davidica

Et ubique magnifica,

Miserorum causidica.

15. Tu cella aromatica

Et piscina probatica,

Tu gratiarum hospita,

Tu pietate praedita.

Exaudiens Basilium,

20. Restituens Mercurium,

Julianum percutiens

Et Ildefonsum vestiens ;

Tu virtus indeficiens,

Famelicos reficiens,

25. Tu pietatis pariens,

Impeditos expediens,

Imperitos erudiens.

Tu Deo nos confoederans,

Mortis pactum defoederans,

30. Auctorem vitae generans,

Adversa mundi temperans,

Oppressos pie liberans,

Aestuantes refrigerans.

Tu in plateis platanus,

35. Tu non incisus Libanus,

Tu serenitas animae,

Tu lucis splendor intimae.

Maria, aegros medicans

Et dolentes laetificans,

40. Hortus vitae fructificans,

Apis Dei mellificans.

Maria, casa Helios,

Theotocos, Christotocos,

Multos salvans Theophilos,

45. Aethyopes, allophylos.

Maria, stantes dirigens,

Maria, lapsos erigens,

Maria, regens prospera,

Maria, planans aspera.

50. Maria, Heliopolis,

Miserorum metropolis,

Maria, dux itineris,

Decus humani generis.

Salvatrix Adae veteris,

55. Splendor et decor aetheris,

Arrha et arca foederis,

Maria, lux in tenebris,

Regina coeli celebris,

Maria, templum Domitii,

60. Per quam salus est homini,

Maria, felix jugiter,

Deum portans feliciter

Et dulcem lactans dulciter.

Maria, mater inclita,

65. Maria, vitae semita,

Maria, coeli janua,

Salutis spes praecipua

Et genitrix ingenua

Atque virgo perpetua.

70. Maria, dulcis domina,

Maria, delens crimina,

Maria, nubes lucida,

Maria, virgo gravida,

Maria, partu florida,

75. Maria, stella splendida

Et porta lucis fulgida.

Maria, Jesse virgula,

Maria, pacis fibula,

Aeterni regis clausula,

80. Innocentiae regula

Et humilium specula

Naufragorumque tabula

Et piorum praeambula.

Maria, salutifera,

85. Stella maris lucigera

Et genitrix deifera

Et sublimis puerpera,

Virga Jesse florigera

Olivaque fructifera

90. Et nardus odorifera.

Maria, vita spiritus

Et criminum interitus,

Maria, vitae reditus,

Maria, mortis exitus

95. Et paradisi aditus,

Maria, caelebs coelitus,

Maria, pia penitus

Et templum sancti spiritus.

Maria, pacis titulus

100. Et bonitatis cumulus

Salomonisque lectulus,

Pius caecorum oculus

Et infirmorum baculus.

Maria, dulcis moribus,

105. Maria, fraglans floribus,

Superabundans fructibus

Et virtutum odoribus.

Terribilis daemonibus

Suavisque hominibus,

110. Desiderata gentibus,

Decorata virtutibus,

Honoranda ab omnibus,

Laudanda a mortalibus,

Requies a laboribus.

115. Maria, sors victoriae,

Maria, sinus gloriae,

Maria, flos munditiae,

Maria, lux laetitiae,

Maria, parens patriae,

120. Maria, carens carie,

Maria, portus gratiac,

Maria, porta gloriae.

Pulchritudo justitiae,

Angelorum deliciae,

125. Mater misericordiae,

Via et vena veniae.

Fundamentum ecclesiae

Sedesque sapientiae

Formaque sanctimoniae

130. Et aula pudicitiae.

Genitrix innocentiae

Et doctrix parsimoniae

Olivaque clementiae

Et myrtus temperantiae

135. Rosaque patientiae,

Propulsatrix miseriae

Et decus castimoniae

Hostisque immunditiae

Et via indulgentiae.

140. Maria, viae requies

Et radians meridies,

Delectabilis species

Et beata progenies,

Immortalis effigies,

145. Gratiarum congeries

Atque virtutum series.

Maria, terra fertilis

Atque crater tornatilis,

Murus inexpugnabilis

150. Et columna immobilis,

Angelis admirabilis,

Hominibus amabilis,

Fortis, insuperabilis,

Dulcis, decora, nobilis,

155. Corde et ore humilis,

Vultu desiderabilis,

Specie delectabilis

Et amore affabilis.

Maria, mater luminis,

160. Maria, sedes numinis,

Maria, fons dulcedinis,

Mater, Dei et hominis.

Felix et expers criminis

Templumque pulchritudinis

165. Et norma rectitudinis,

Vita beatitudinis

Et turris fortitudinis

Coronaque certaminis.

Maria, caput gaudii,

170. Maria, finis vitii,

Plenitudo solatii,

Magni mater consilii,

Flos violae, flos lilii,

Acervus testimonii

175. Et lapis adjutorii

Civitasque refugii

Portaque sanctuarii.

Maria, salus populi

Et reparatrix saeculi,

180. Spei nostrae soliditas,

Gaudium et tranquillitas,

Affluens liberalitas

Et salutis securitas.

Fugitivorum civitas

185. Et reorum felicitas,

Sanorum incolumitas,

Quietorum serenitas,

Paradisi jucunditas

Et piorum suavitas,

190. Speciosa fecunditas

Et beata virginitas.

Maria, plena gaudio,

Superborum depressio,

Bonorum sublimatio,

195. Diaboli dejectio

Et hominis erectio,

Prophetarum promissio,

Justorum exspectatio,

Sanctorum exsultatio,

200. Inferorum destructio,

Vitiorum exstinctio

Et morum informatio,

Vinctorum absolutio,

Pauperum consolatio,

205. Inopum sustentatio,

Lapsorum relevatio,

Delictorum deletio,

Virtutum consummatio

Et bonorum perfectio,

210. Exsulum revocatio,

Reorum liberatio,

Hostium interitio,

Tuorumque tuitio,

Peccatorum remissio,

215. Captivorum redemptio,

Sanitatis collatio

Et languoris curvatio,

Salutis acquisitio

Et vitae restitutio,

220. Erroris abdicatio,

Mundi propitiatio,

Gratiae exhibitio

Et mortis abolitio,

Divinitatis mansio

225. Et pietatis statio,

Humilium protectio,

Munimen et defensio,

Orbis illuminatio

Et deitatis sessio,

230. Vitae recuperatio

Et Dei habitatio,

Saeculi reparatio

Et larga miseratio,

Dei confoederatio.

235. Maria, orbe latior,

Maria, coelo mundior,

Maria, cunctis melior,

Maria, cunctis mitior,

Maria, melle dulcior

240. Et floribus fraglantior.

Maria, rosis gratior

Et liliis candidior,

Unguentisque suavior

Et gemnis rutilantior,

245. Lunaque lutainosior

Et cunctis sanctis sanctior,

Cunctisque gratiosior

Et cunctis mirabilior,

Cunctisque excellentior

250. Et cunctis speciosior.

Maria, schola dogmatum,

Maria, lausque pneumatum,

Areola aromatum,

Apotheca charismatum.

255. Maria, mundi speculum,

Castitatis signaculum,

Virtutum receptaculum,

Redemptionis ferculum

Et gratiae vehiculum

260. Et lucis habitaculum,

Salutis propugnaculum

Et Dei tabernaculum,

Salomonis cubiculum

Et aureum thuribulum,

265. Pietatis oraculum

Et veniae vestibulum,

Firma civitas exsulum,

Dilectionis vehiculum

Et sanctitatis pabulum.

270. Maria, mundi Ulium,

Gloria triumphantium,

Victoria pugnantium,

Infirmorum remedium

Et reorum refugium.

275. Maria, flos convallium,

Dei gazophylacium,

Vitae reconditorium,

Tenebrarum excidium

Et lucis infusorium,

280. Pietatis remigium,

Dei reclinatorium,

Deitatis cinctorium,

Spiritus sancti scrinium.

Maria, regis solium,

285. Miserorum solatium,

Salvatrix pereuntium,

Portus periclitantium

Et sidus navigantium.

Maria, salus gentium,

290. Laetitia fidelium

Et mundi patrocinium,

Jucunda laus coelestium

Et tutela terrestrium.

Maria, lux laetantium,

295. Virtus et vita cordium,

Summi regis hospitium,

Consolatrix moerentium

Et amatrix humilium.

Maria, spes debilium,

300. Erectio credentium

Virtusque laborantium,

Gratiae stillicidium

Et morum magisterium.

Maria, refrigerium

305. Et propitiatorium,

Deitatis aerarium

Et Domini sacrarium.

Maria, dux fidelium,

Terror et luctus hostium,

310. Laetitia credentium,

Sospitas aegrotantium

Et portus fluctuantium.

Maria, vitae pretium

Et Dei domicilium,

315. Salutis privilegium,

Virginitatis Ulium

Et honor continentium.

Maria, spes moerentium,

Salvatrix morientium,

320. Revocatrix errantium,

Libertatis praesidium

Et vitale subsidium.

Maria, coeli gaudium,

Potestatis fastigium,

325. Exactoris exitium,

Praedonis praecipitium,

Babylonis excidium

Et mortis exterminium.

Maria, salus omnium,

330. Dei itinerarium,

Lucis elucidarium,

Deitatis solstitium,

Beata spes mortalium

Et pacis consistorium.

335. Maria, virgo virginum,

Maria, lactans Dominum,

Maria, solis regia,

Mulierum laetitia,

Stella maris eximia,

340. Stella stationaria,

Et miserorum gloria.

Maria, virgo regia,

Insignis et egregia

Deique sedes propria,

345. Virginum primiceria

Et vitae thesauraria.

Maria, plena gratia,

Plena misericordia

Et omnis boni copia,

350. Veritatis custodia

Et salutis materia.

Maria, fugans vitia,

Iras, luctus et odia,

Vitae reducens gaudia

355. Et quaeque pellens tristia

Et abundans in gratia

Sublimisque in gloria.

Maria, nati filia,

Genitrix et nutricia

360. Cellaque pigmentaria ;

Tu copia profectuum,

Resarcitrix defectuum,

Ordinatrix affectuum,

Pietatis irriguum.

365. Te venerantur omnia,

Coelestia, terrestria,

Tu virtutum fraglantia,

Rosas vincens et lilia,

Tu nostra spes et gloria,

370. Tu virtus et victoria,

Tu clemens et propitia,

Deo nos reconcilia.

Ipsi tibique gloria,

Laus, honor, reverentia

375. In saeculorum saecula.