53. De septeni Gaudiis BMV.

In 1. Vesperis.

Antiphonae.

1. Gaude virgo nunc Maria

De stirpe nata regia,

Quae per aurem concepisti,

Angelo dum credidisti,

Supernorum Dominum.

2. Gaude, virgo generosa,

Nam mater es speciosa

Dei, qui de te nascitur,

Nec alvus tuus laeditur

In pariendo Christum.

3. Gaude, quod ab oriente

Magi venerunt repente,

Natum tuum adorantes,

Aurum, thus, myrrham ferentes

Angelorum Domino.

4. Gaude, quod est praesentatus

Per te, virgo, tuus natus

In templo, Simeon gratus

Christoque, quem amplexatus

Est cum cordis jubilo.

5. Gaude, quod Christus surrexit

De morte, qui et protexit

Oves suas, quas dilexit,

Et pie ad caelos vexit

Has sumens de barathro.

Ad Magnificat.

A. Gaude, virgo, quaepostChristum

Mundum exuisti istam

Et in caelos es translata,

Ubi regnas adornata,

Tamquam imperatrix sedes,

Duodcnas ornas sedes;

Orna virgo vitam meam,

Ut post istam mortem queam

Regnare cum tuo filio.

A d Matutinum.

Invitatorium.

Gaudeamus, fratres,

cum cordis tripudio,

Venite psallamus

cunctipotenti Deo

Ac Mariae jubilemus

dulci cantico.

In 1. Noct urno.

Antiphonae.

1. Gaude, mater ecclesia,

Nova frequentans gaudia

De advocata strenua,

Quae est caelorum regina.

2. Gaude, Maria, stella maris,

Orta ex radice Davidis

Cum nulla macula criminis.

3. Gaude, theotoca humilis,

Emanuel namque concipis

Virtute divini numinis.

Responsoria.

1. Gaude, stella matutina,

O virgo dulcis, Maria,

Mundi princeps et regina,

Mater Dei digna dici,

Contra tela inimici

Gaudium pone salutis,

Tuae titulum virtutis;

Tu es enim virga Jesse,

In qua Deus fecit esse

Aaron amygdalum

Mundi tollens scandalum.

V. Gaude, sponsa tu electa,

Quod es nobis via recta

Ad aeterna gaudia,

Ubi pax et gloria

Tu nos aure pia

exaudi, dulcis Maria.

2. Gaude, concha Gedeonis,

Maria, nam de altis thronis

Tu concepisti filium,

Ob id templum Salomonis

Facis atque tais donis

Praebe caeleste gaudium.

V. Portam Ezechielis

Rex gloriae intravit,

Dum voce Gabrielis

Mariam fecundavit.

3. Gaude, virgula Jesse,

Quae florem in plena messe

Mundo lapso protulisti,

De tuo suscepit esse,

Quod nobis fuit necesse,

Deus, qui ex tuo

utero processit ad ortum,

V. Cernere divinum

lumen gaudete, fideles.

In 2. Nocturno.

Antiphoria.

3. Gaude, Dei thalamus,

Myrrha, thus et balsamus,

O Maria.

Responsoria.

1. Gaude, allatrix gratiae,

Reges Tharsis et insulae

Christo dona obtulerunt,

Aurum ut regi gloriae,

Myrrham ejus sepulturae,

Per thus Deum designa-

verunt.

V. Gaudiose stella nova

Fulgens ab ortu ut rosa

Magos ad praesepe duxit,

Cum quibus gaudes, Maria.

2. Gaudium Christus attulit

Barathri claustra rumpendo

Patribus, quos carcer vinxit,

Hos a morte redimendo.

V. Maria tunc exsultavit,

Quia vivum Christum vidit,

A morte dum resurrexit,

Qui captis opem praebuit.

3. Gaudia magna

nos pellunt promere

Laudes Christo,

ad solium gloriae

Qui scandit,

Mariae iter pandit.

Gaudes, Mater, de palma

victoriae.

V. Laetetur cor tuum,

virgo regia,

Nam tuus natus

transcendit aethera.

In 3. Nocturno.

Antiphonae.

1. Gaude, Maria,

Templum summaomajestatis,

Quia es speculum

Pulchrae virginitatis.

2. Gaude, Maria, rosa de

Jericho,

Quia tu placuisti altissimo,

Ora pro tuo devoto populo.

3. Gaude, Maria, lux gloriae,

Nam das ornamentum gratiae.

Responsoria.

1. Gaude, virgo Maria,

Cunctas haereses interemisti,

Quae Gabrielis archangeli

Dictis credidisti

Et post partum virgo

Inviolata permansisti.

V. Gabrielem archangelum

Te credimus esse affatum,

Uterum tuum de spiritu sancto

Credimus impraegnatum ;

Erubescat Judaeus infelix,

Qui dixit Christum ex Joseph

semine esse Datum.

2. Gaude, clara Dei margarita,

Pulchra basilica,

Laetare, virgo Maria,

Tu es caelorum domina ;

Te enim laudare rite

Nequit omnis creatura,

Nam praebes auctorem vitae

Et fabricantem omnia.

V. Fac nos, virgo

dulcis et decora,

Gaudere tecum

in mortis hora.

3. Gaudent chori angelorum,

Ac virtutes caelorum

Student tibi resonare

Melos dulce, mulce gnare

Natum tuum, O Maria,

Qui matrem super sidera

Te collocavit omnia ;

Nos a nece tua prece

Salva, Alleluja.

V. Gaudeat turba clericorum,

Quod advocata orphanorum

Super agmina angelorum

Est cum jubilo

Fluvioque gratiarum

Pulchre locata.

In Laudibus.

Antiphonae.

1. Gaudium tibi, Maria,

Fuit, quando mente pia

Archangelo credidisti.

2. Gaude, genetrix fidelis,

Natum, qui venit de caelis,

Virgo quod tu peperisti.

3. Gaudio fuisti gavisa,

Quando perduxit stella visa

Magos ad Christum, O Maria.

4. Gaude, quod verum Deum

Natum induxisti ad templum,

Quem benedixit tunc propheta.

5. Gaude, virgo de triumpho,

Quem de tribu Juda leo

Fecit a morte resurgendo.

Ad Benedictus

A. Gaudes, Maria inclita,

Quod hic, qui venit de Bosra,

Victor existens nobilis

Ascendit regnans in caelis.

Fac nobis hunc propitium,

Ne cadamus in barathrum.

In 2. Vesperis.

Ad Magnificat.

A. Gaude, quod sanctos superas

In hoc, quod Christo imperas,

Ut potens mater filio,

Et quod tua gloria

Non terminabitur in saecula.

Deo nos reconcilia,

Quae mater es et filia,

Ut nos tuo gaudio

Fruamur in perpetuo,

Tuo, Christe, nimio

Muniti patrocinio.