51. In Visitatione BMV.

1. Virgo Maria,
Clemens, pia,
Electa

Domini effecta
Summi regis recta.

2 a. Missus

Paranymphus
Gabriel fortis
Clausis alvi portis
Dei natum
Refert datum,
Monstrans ex Iesse
Te virgam esse.

2 b. Suave

Verbum ''Ave,
''Favens, millene
Repetitum tene,
Unisone
Factum ad te
Cordis a choro
Caeli in foro.

3 a. Apud te plena

Omnis gratiae habena,
Quam amisit primaeva
Mater mente laeva
In te conclavata.

3 b. Hanc reserando

Dominus tecum pausando,
Abundanter dispergens,
Tibi se immergens
Dedit cuncta grata.

4 a. En, Deas in te

Homo cum fit repente,
Humilis surgis,
Montana transcurris
Intrando sobrie
Domum Zachariae.

4 b. Hinc felicia

Iungunt se tunc oscula;
Uxorem senis,
Dum ibi praevenis,
Praesagam parasti,
Quando salutasti.

5 a. Quam magnahaec sunt mysteria !
Post tua, virgo, eulogia
Mox Elisabeth

sancta prophetat:
"Hoe unde mihi metat,
Quod mater Dei mei,
Tam sanctae spei,

Ad me veniat sic indignam
Visitare familiam" ?

5 b. Haec matrem Dei te nominat
Atque benedictam praedica;
In cubiculo

sola scivisti,
Ab illa quae audisti ;
Denique nondum natus
Praecursor datus

Tuo in adventu iubilat,
Venterque obnubilat.

6 a. Quis unquam vidit,
Aut quis audivit?
Humana natura
Mirative sua
perdit iura,
Cui Deus pater,
Tu Christi mater

Virgo permanens intacta
Dum es facta.

6 b. O felix via,
Virgo Maria,

Quam tunc transmeasti
Praecursoris matrem
cum beasti!
Sacrum pneuma fuit,
Quod ex te pluit

Imbrem gratiae in ipsam
Prophetissam.

7 a. Dita nos, Maria,

Cita nos ita dignare
Provide visitare.

7 b. Veni iam, Maria,

Veni iam nostrum ad velle,
Noxia quaeque pelle.

8 a. Assistrix, o pulcherrima,
Es cunctis saluberrima
Te invocantibus.

8 b. Instilla rorem gratiae
In te elapsum placide
Ad te clamantibus.

9. Altissimi tu cara,

Benedictum orans para,

Mortis in hora

Sit nobis absque mora
Refector divus
Fructusque vivus.