52. De sancta Katherina.

1. Ad honorem

superni cantemus regis

Alleluia ;

2. Regi summo

fidelis vox psallat gregis

Merite pura.

3. Laudes tibi debitas,

rex perennis, suscipe

Die ista,

4. Qua triumphat caelitus

de terreno principe

Katherina.

5. Haec est sponsa Domini,

virgo iuncta virgini

Semper casta.

6. O pudoris lilium

votis te canentium

Semper asta.

7. Haec est virgo regia,

quae regum palatia

Sprevit alta;

8. Cuius sapientia

rhetorum facundia

Fit obtusa.

9. Caesaris consilium

ad coronae praemium

traxit haec, Porphyrium

Cum regina.

10. Tandem per martyrium

supernorum civium

subiit palatium

Christi sponsa.

11. O flos purpureus,

splendor virgineus,

Christi thalamus aethereus,

12. Suscipe cantica,

pro tuis supplica,

ut cantemus tecum caelica

13. Alleluia.