55. De sancto Kentigemo.

In 1. Vesperis.

R. In septentrionali Wallia,

Non longe ab Albania,

Sancta colit ecclesia

Kentegerni sollemnia,

Cui volatilia,

Ferae, pisces, flumina

Parent ut mancipia

Domino clientia.

V. Eius flatu facula

Sopita pro invidia

Succenditur in Scotia

Sine ignis materia.

Ad Magnificat.

A. Alme praesul Kentegeme,

laudum digne iubilo,

Qui dum lumen tenebroso

praebuisti populo,

Lux scintillis splenduisti

crebris in candelabro,

Tibi laudes decantantes

repraesenta Domino.

Ad Matutinum.

Invitatorium.

Caelestis regem patriae

Adoremus cottidie,

Qui Kentegernum hodie

Coronavit glorifice.

In 1. Nocturno.

Antiphonae.

1. Stirps regalis Britannorum

Kentegernum protulit,

Quem Servanus, vir non vanos,

Litteras edocuit.

2. Iste ab infantia

Iugum portans Domini

Praesulari stragula

Promeruit indui.

3. Aemulorum ausibus

Obviat puerulus

Vitam dando volucri,

Quam necarant invidi.

Responsoria.

1. Christi miles Kentegernus,

plenus Dei gratia,

Regi regum militavit

ab adulescentia,

Qui per eum ampliavit

electorum agmina,

Dum moneret legis hostes

tuba evangelica.

V. Eructando flumina

salutaris scientiae,

Plebem lavit tepidam

de tabe apostasiae.

2. Mirantes pavent aemuli,

Quod vita redit volucri,

Quam necarant improvidi

Avulso lento capite.

Virtutum baec primordia

Sunt facta in Albania

Per Kentegerni merita,

V. Qui illaesum quondam rubum

inflammavit stipite,

Sine rogo accendebat

corilum mirifice.

3. Qui elixas condiebat

dapes in lebetibus,

Hunc defunctum lamentatur

herus cum clientibus,

Sed culinae redit vivus

Kentegerni precibus

Albaniam fugientis

citatis anfractibus.

V. Siste gradum, praebe vadum,

fuga ponti rheumata,

Doctor clamat, ad quem amat

assequens vestigia.

In 2. Nocturno.

Antiphonae.

1. Sacro flatu pueri

Conscintillant spatulae

Viridantis corili

Ut faces ignicomae.

2. Pulsat aures Domini

Vox orantis pueri

Pro defuncto famulo,

Qui revixit concito.

3. Stupet Ledonis alveus

Mallenae ructans fluctibus,

Quod salebre divortia

In se grassant reciproca.

Responsoria.

1. Olim fetae arcam Dei

vaccae Dagon obruto

De Accaron ad Bethsames

plaustrant sine scrupulo,

Sic de Ckernach functum tauri

reddunt nullo praevio,

Qui in Glascu funeratur

Kentegerni merito.

V. More Simeonico

Accepto oraculo

Aegcr viso puero

Obiit in Domino.

2. Cultro lupi exaratus

Ager ac tellure satus

Germinavit triticum,

Furibundus rex caecatus

Mitis est illuminatus

Per virum authenticum.

V. Silvestri apro praevio

Compaginatur praedlum,

In quo sancto collegio

Fit Asaph monasterium.

3. Crudi moris rex infaustus

Et exosus clericis

Documentis obviavit

sanctis sicut magicis,

Doctilogum calce pellens

instigante vernula,

Quem festina mors detrusit,

rexque languet podagra.

V. Qui submersit Pharaonem

Et Goliam obruit,

Regem nequam et tironem

Dira nece perculit.

In 3. Nocturno.

Antiphonae.

1. Kentegernus nunquam nimbi

passus est discrimina,

Nec dumtaxat nix vel grando

eius rigant pallia.

2. Lupino fissum vomere

Agellum sevit pulvere,

Mirante superficie

Albescit caespes segete.

3. Crimen suum palliavit

Regina per annulum,

De profundo quem portavit

Pisciculus laticum.

Responsoria.

1. Aporia ingruente

vir largus diriguit,

Miro modo recreandus

opera, qua viguit,

Cum horrisonum avari

flumen lambens horrea

Classicaret sine rate

ad eius mapalia.

V. Qui mare scidit Moysi

Et Iordanem Iosue,

Annonam sancto praesuli

Cladum fecit vomere.

2. Cudenti in ferrugine

glauca fabro mittitur,

Quod per culpam incuriae

vado lac effunditur,

Nec commiscetur gurgiti

liquor nec defluitur,

Virtutum in congerie

sic Kentegerni cuditur.

V. Vervex gregem comitatur

Amputato capite,

Quod in petram transmutatur

Ut uxor Loth Sodomae.

3. Iubente Petrus Domino

Inescat piscem hamulo,

In quo reperto statere

Didragmam iussit solvere;

Sic Kentegerni merito

Reginae piscis baiulo

De stagno aurum attulit,

Quo velut insons claruit.

V. Reginam rex supplicio

Mortis pro adulterio

Torquebat, sed redemptio

Miranda fit in annulo.

Prosa.

1. Gens Cambrina cum regina

Plaudite tripudio,

Vibex fletus, dolor, metus

Et mortis condicio

2. Iam cassatur et purgatur

Vitali remedio,

Lympha celat, quod revelat

Ichthys herae clanculo.

3. Latet regem, per quam legem

Ditetur cum annulo,

Ensem tortor condit, horror

Sedatur prae gaudio.

4. Laudes ergo Kentegerno

Decantat haee contio,

Metam auro quod reperto

Traxit de ergastulo

Velut insons.

In Laudibus.

Antiphonae.

1. Eia, laudes decantemus,

iubilemus Domino,

Kentegernum venerantes

laudum cum praeconio.

2. Per coronam auream

In peplo angelico

Et columnam flammeam

Notus est in cuneo.

3. Sospitati pristinae

Mortuam mirifice

Keutegemus hominem

Reddidit et volucrem.

4. Benedictus Kentegernus

Gregem suum visitans

Larvas fugat, aegros curat,

Plebs exsultat obvians.

5. Laudes Deo decantare

Suevit in frigidis

Undis artusque siccare

Super frontem silicis.

Ad Benedictus.

A. Sacrosanctam Kentegernus

servans parcimoniam

Fame, siti et algore

eius pavit animam,

Dum in aquis decantaret

frigidis psalterium

Ac quatriduano cibo

foveret corpusculum;

Ipsum omnes proclamemus

cum precum instantia,

Ut de mortis terra ducat

nos ad caeli gaudia.

In 2. Vesperis.

Ad Magnificat.

A. O paradoxe pontifex,

Per orbis vasta climata

Quem phalanges uranicae

Et siderum officia

Et elementa omnia

Alterna per prodigia

Carum declarant Domino,

Qui poli regit dindima

Ab illo nobis vendica

Perennis vitae praemia.