56 DE CAUSA S. IULIANAE CORNELIONENSIS

stiterit: dilucide item apparere cultus vetustatem ac rationem, quibus accederent Maximorum Pontificum indulta.

Attamen animadvertit, licet Apostolica Sedes eam Virginem indultis cohonestaverit ; numquam tamen decretoria sententia edixisse : constare de casu excepto, sive ex immemorabili cultu ex ipsis Pontificis indult is : nostram itaque iulianam, numquam aequipollenti Beatificatione fuisse auctam: ideoque videndum forte superesse, num in antecessum hoc Decretum esset expe- tendum, antequam petitioni, qua de agimus, locus fieret.

Animadvertit praeterea, cultum, quo Beati augentur, esse dumtaxat permissivum, neque ad universam Ecclesiam proferri; e converso Sanctorum cultum praeceptivum esse, totamque respi- cere Ecclesiam (Benedictus XIV. in opere de serv. Dei Bealif. 1. 1. c. 39): proindeque ibid. n. 13 eundem scripsisse: «Gom- « pertum habemus . . . Beatorum cultum coarctari sane intra ali- « quam provinciam, dioecesim, civitatem aut religiosam familiam. » Et quidem iure meritoque. Si enim in Beatificatione cultus uni- versae Ecclesiae indiceretur, eam uti sanctificationem propemodum censendam fore.

Subiunxit idem Fidei Vindex, in laudato opere quoque legi : « Aliquando cultum posse ad universam Ecclesiam extendi, citra « tamen legem praecepti, sed per modum simplicis facultatis, et « per actum minime extremum, nec ultimo definitivum. Quapro- « pter i n . . . diplomate Sixti IV. de cultu B. Ioannis Boni non « solum insunt verba permittentia et facultatem facientia ; verum « etiam alia verba superadduntur, quae extremam determina- « tionem necdum prolatam exspectant : Donec aliud per Nos vel « sedem Apostolicam fuerit solemniter ordinatum. Quod ipsum dici « debet de allegata concessione Clementis X. pro cultu tunc «Beatae, nunc Sanctae Rosae Limanae; quippe quae facta fuit « dum adhuc sub iudice esset canonizationis causa. »

Hisce breviter animadversis, sic Fidei Promotor concludebat: facilius itaque Archiepiscopus Mechliniensis aliique Belgii Anti- stites voti compotes fierent, si aequipollens Beatificatio decre- toria Pontificis Maximi sententia habuisset locum, ac resumpta causa de Iulianae Virginis virtutibus et miraculis, Apostolicae inquisitiones haberentur. Erit vero E.morum Patrum pro eis, quibus pollent, prudentia et doctrina, constituere quid factu sit opus. Eos profecto non latent merita, quibus Belgica Natio in