53. In Visitatione BMV.

la, O Maria,
Vitae via,

Lux et salus hominum ;

1b. O felicem
Genetricem,

Quae portasti Dominum.

2 a. Tu es prima
Et opima

Spes post tuum filium ;

2 b. Tu ens ima
Purgans zyma,

Culpae dans auxilium.

3 a. Scandis Salem
Specialem

Et praegnantem visitas,

3 b. Quae mox credit,
Infans dedit

Deo laudes debitas.

4 a. Tuum natum
Vates vatum,

Clausum clausus sentiit,

4b. Post velocem
Gressum vocem

Quando tuam audiit.

5 a. Clausus hortus,
Regni portus,

Virgo, quod sis, noscimus,
Dei cella,
Maris stella,

Cuius opem poscimus.

5 b. Arca legis,
Porta regis,

Quam nullus aperuit,
Rubus Sina,
Sine spina

Rosa, quae non marcuit.

6 a. Tua digna
Clarent signa
In fidei patria.

6 b. Hinc implora
Omni hora,

Quod sit una latria.

7 a. Mater Dei,
Ad te rei

Clamant in exsilio,

7 b. Quos absortis
Poenis mortis
Iunge tuo filio.