56. De Passione Domini.

1. Expurgator scelerum

Aeterni patris dextera
Descendit ad saucium

Ad sananda vulnera,
Adduxit in stabulum

Pietatis opera,
Vinum dans et oleum

Caritate supera.

2, Hic est noster proximus,

Genitus de virgine,
Pro nobis novissimus,

Rex in caeli culmine
Factus est humillimus,

Frixus in sartagine,
Nos raperet potentius

Hostium voragine.

3. Poenis se innexuit,

Ut nos a poenis solveret,
Saccum nostrum texuit,

Ut fallentem falleret,
Funera sustinuit,

Ut funus nostrum vinceret,
Carni se immiscuit,

Ut carne nos redimeret.

i. Pauper rex efficitur,

Ut pauper dives fieret,
Potens prelo premitur,

Ut impotens resurgeret,
Christus crucifigitur,

Ut homo caelum scanderet,
Sol eclipsim patitur,

Ut sidus lumen sumeret.

5. Sic sorti nostrae miserae

Contulit subsidia,
Duxit lapsos scelere

Ad caeli fastigia,
Mortis vivus asperae

Passus est fastidia,
Ut sanaret, viperae

Quos laeserat invidia.

6. O quam mira circa nos

Dei patris dilectio !
Ut salvaret servulos,

Non pepercit filio.
O summae potentiae

Quam miranda passio,
Condicionis miserae

Quam magna redemptio !