56. De Gaudiis BMV.

In 1. Vesperis.
Super Psalmos.

A. Gaude, mater Domini,
virgo singularis,

Jam ascendit filius
tuus salutaris,

Nobis tuis famulis
hinc miserearis.

Ad Magnificat

A. Virgo, tuus filius
ascendit in nube,

Jubilabant cithara
quasi voce tubae,

Intra caelum valide
ipsi congaudete,

Nam excelsi filius

ibi nunc videtur
In paterna gloria,

ad quem matris sedes ;
Juxta solem fulgida

stella lucem praebes.
Tua pulchritudine,

prolis deitate
Exsultant caelicolae

in aeternitate,
Unde te suppliciter,

virgo, imploramus,
Nato nos concilia,

polo ut cernamus
Et cum ipso pariter

in sereno cultu
Confruamur gaudio

suo claro vultu.

A d Matutinum.
Invitatorium.

Regem natum de Maria,
Ascendentem mira via,
Adoremus mente pia.

In 1. Nocturno.
Antiphonae.

1. Virgo, dulcis tuus natus
Ista die exaltatus
Supra caelos est levatus.

2. De te matre qui egressus,
Mortem propter nos perpessus,
Est ad patrem nunc regressus.

3. Qui exivit virginales

Portas, frangens infernales,
Nunc inivit aetemales.

Responsoria.

1. Dilectus meus abiit

in ipsius hortum,
Ubi semper gaudium

poenis non retortum,
Illuc verae tendite

ad salutis portum.
V. Dona nobis gratiam

hic ad paenitendum
Et in morte studeas

nobis succurrendum.

2. Virgo, decus saeculi,

clara stella maris,
Pulchra tua facies

fulgor ut lunaris,
Praeelecta omnibus

ut sol luminaris.
V. Fac nos tuum filium

modo ascendentem
Judicem suscipere

laete venientem.

3. Cunctarum pulcherrima
o tu mulierum,
Quo dilectus abiit
tuus hic dierum?

Ad caelorum solium
nunc ascendit mire,

Juva nos post obitum
Illuc pervenire.
V. Fac in nobis cor sincerum,

Ut noscamus iter verum.

In 2. Nocturno.
Antiphonae.

1. Ora, virgo, nobis Deum,
Per te factum Galilaeum,
Ascendentem ad oeum.

2. Condignatum de te nasci
Et de tuo lacte pasci
Ascendentem nobis acci.

3. In te qui se humanavit,
Modo caelos penetravit,
Hinc mens tua exsultavit.

Responsoria.

1. Sponsus tuae castitatis
Natus et virginitatis
Cum ascendit super caelos,
Decantabant sancti melos;
O quam laeta exstitisti,
Cum tu, mater, hoc vidisti!

V. Voce tubae angelorum
Jam ascendit rex caelorum.

2. Gaude, virgo, caeli porta,
Per quam nobis lux est orta ;
Gaude, vellus Gedeonis,
Throne novi Salomonis ;
Qui elegit te in matrem,
Ivit laetus jam ad patrem;

V. Hunc pro nobis, mater, ora
In extrema mortis hora.

3. Gaude, virgo virginum,
Caeli tu regina, j
Jam ascendit filius

In excelsum Sina,
Hunc pro nobis flagita,
Rosa sine spina,

V. Chori gaudent angelorum,
Quod advenit rex ipsorum.

In 3. Nocturno.
Antiphonae.

1. Jam ascendit voce tubae
Tuus natus clara nube,
Hunc placare nobis jube.

2. Dele labes peccatorum
Ista die, qua caelorum
Scandit regnum lux sanctorum.

3. Eja, nostra advocata,
Propter ista festa grata
Dele nostra scelerata.

Responsoria.
1. Virgo mater, nunc exsulta,
Adornans laude multa,
Fructus namque tui alvi,
Per quem facti sumus salvi,
Jam ascendit super caelos,
Unde tibi damus melos;
V. Victo bello Babylonis
Sedet modo super thronis.

2. Foras in Bethania

Jesu praecedente,
Turbaque fidelium

eum prosequente,
Elevatis manibus

sursum ferebatur,
A te et discipulis

illud videbatur ;
Propter istud gaudium,

quo tunc fruebaris,
Virgo, tuis famulis

nunc miserearis;
V. Juva, quod post obitum

illuc veniamus,
Ubi te cum filio

semper videamus.

In Laudibus.
Antiphonae.
1. Isto die, domina,
tecum gloriamur,

Quod ascendit filius
caelos, recordamur,

Illnc per te ingredi,
virgo, mereamur.

2. Nato tuo psallimus
caelum ascendenti

Tibique concinimus
inde pergaudenti,

Sibi nos concilia
olim venienti.

3. Foras in Bethania
Jesu praecedente

Sequuntur quam plurimi,
quos benedicente

Scandit super sidera
te aspiciente.

4. Hunc a tuis oculis
nubes occultavit,

Gaudent omnes angeli,
caelos cum intravit;

Quantum tuus spiritus
inde exsultavit I

5. Mox videbas angelos
laetos descendentes,
Adventurum judicem

natum praedicentes,
Nos ipsum suscipere
juva tunc gaudentes.

Ad Benedictus.

A. Gaude, virgo, in hac die,
In qua tua proles pie
De deserto Babylonis
Scandit, regnum aquilonis ;
Ibi secum nunc laetaris
Et a nobis veneraris,
Illuc per te adjuvemur,
Ut aeternum jucundemur.