EX S. C. RITUUM 57

unitatem citius gentes omnes perduceret. Quapropter sacro, in domestico sacello, pientissimi peracto, solio Pontificio, in hac Vaticani aula, insidens, acciri mandavit Rmos Gardinales Caie- tanum Aloisi-Masella S. R. C. Praefectum et Vincentium Van- nutelli huiusce Causae Ponentem, una cum R. P. Augustino Cap rara Sanctae Fidei Promotore, meque insimul infrascripto Secretario, iisque adstantibus edixit: Tuto procedi posse ad so- lemnem Venerabilis Seroi Dei Theophili a Curte Beatificationem.

Atque hoc Decretum publici iuris fieri et in acta S. R. C. referri, Litterasque Apostolicas, in forma Brevis, de Beatifica- tione quandocumque peragenda, expediri praecepit, pridie idus iulias anno MDCCCXCV.

C. CARD. ALOISI-MASELLA S. R. C. Praefectus. L. # S.

ALOISIUS TRIPEPI S, R. C. Secretarius.

DECRETUM quo statuitur, Festum Annuntiationis B. Mariae Virginis amodo cele-

brandum esse ritu duplici primae classis.

Iure sane ac merito Festum B. Mariae Virginis, Deiparae ab Angelo salutatae, ab antiquissimis temporibus institutum, et penes Latinam Ecclesiam et Graecam pari solemnitate celebra- tum est : siquidem Dominicae Incarnationis Mysterium tanquam ceterorum fundamentum Sacra Liturgia profitetur. Hinc Apo- stolicae Sedi supplicia vota haud semel porrecta sunt, ut Festum istum Annuntiationis B. M. V. ad maximum ritum in Universa Ecclesia eveheretur. Itaque Sacra Rituum Congregatio in pecu- liari Coetu, pro nova Decretorum authentica Collectione evul- ganda, ad Vaticanum subsignata die habito, omnibus mature perpensis, rescribendum censuit: Festum Annuntiationis B. M. V. die 25 Martii occurrens, in universa Ecclesia ritu duplici primae classis amodo recolendum esse, cum omnibus iuribus celebrio- rum festorum propriis, etsi Octava carens ob temporis quadra- gesimalis rationem. Ceterum, quotiescumque vel Feria VI. in Parasceve, vel Sabbato Sancto hoc Festum impediatur, toties Feria II. post Dominicam in Albis, tanquam in sede propria, ut antea, reponatur; in qua integra cum solemnitate ac feriatione et sine octava, prouti die 25 Martii, celebrabitur. Quando vero