54. In Visitatione BMV.

1 a. Salve, virgo gloriosa,
Mater Christi generosa,
Regina caelica.

1b. Visitasti Elisabeth
De civitate Nazareth,
O stirps Davidica

2 a. Eia, corpore formosa,
Fide magis speciosa,
Tu praeclara genere,

2b. Maria, quae Deo grata,
Gratiarum decorata
Et virtutum munere.

3 a. Tuo nos itinere
Docuisti mirifice,
Virgo Maria.

3 b. Praebuisti gaudium
Infantique solacium,
Felix et pia.

4 a. O beata, [sine meta]

Quae cum Christo regnas laeta
In caelesti requie,

4 b. In delictis et peccatis
Nostris male perpetratis
Posce dona veniae.