57. De Gaudiis BMV.

In 1. Vesperis.
Super Psalmos.

A. Nos peccatis nostris maesti
Hujus magni die festi
Imploramus te, Maria,
Nos soleris, virgo pia.

Ad Magnificat.

A. Ave, templum Domini,

virgo gloriosa,
Pneumatis sacrarium,

flos et florum rosa;
Ave, spes et unica

salus nostrae spei,
Ave, nostra domina,

mater nostri Dei;
Ave, domicilium

omnium virtutum,
Ave, contra jacula

hostis nostrum scutum ;
Ad te tristes orphani

currunt, quos soleris,
Dona sancti spiritus

nobis depreceris.

Ad Matutinum.

Invitato rium.

Adoremus Dominum
Matris in honore,

Qui dat sanctum spiritum
Pro consolatore.

In 1. Nocturno.
Antiphonae.

1. Fili patris Dei

Nec non matris mundae,
Ut salvemur rei,

Sanctum flamen funde.
2. Servos matris tuae
Tibi nunc devotos
Causa precis suae
Fac peccatis lotos.

3. Hac festivitate
Eam venerantes
In aeternitate
Effice laetantes.

Responsoria.

1. Stirps Jesse virgam

produxit virgaque florem,
Et super hunc florem
requiescit spiritus almus ;

V. Virgo Dei genetrix

virga est, flos filius ejus.

2. Virga tuum florem,

caeli decus, orbis honorem,
Quem contra morem

paris intemerata pudorem,
In nobis nasci

fac, nos per eumque renasci,
V. Vi superioris

divini germen amoris.

E. O rubicunda rosa,

nullo vitio maculosa,
Mater virtutis,

auctrix tu sola salutis,

V. Ut te ductrice

capiamus gaudia vitae.

In 2. Nocturno.
Antiphonae.

1. Sanctum pneuma veneramur,
Cujus cellam te laetamur,
Consolari hoc precamur.

2. Jesu mater, labe pura,
Sancto rore nos procura,
Ne damnemur in tortura.

3. Ut sit nobis gloriandum,
Natum tuum venerandum
Monstra nobis ad spectandum.

Responsoria.

1. Fulgida stella maris,

quam multa laude bearisl
Es meritis plena,

quia mater, virgo serena,

Per te salvantur,
quicunque tibi famulantur ;
V. Sis miseris fautrix,

quia pia salutis es auctrix.
2. Christi supereminentissam
Veneremur in Maria gratiam,
Quoniam elegit
Eam Deus et praelegit
In habitationem sibi.
V. Haec munus spei

det nobis et requiei.
3. Salve, porta poli,

Domino quae pervia soli,
Tu mater Christi

fieri quae digna fuisti,
Tu virgo mitis,

da verae pocula vitis,
V. Ut laeti patriam

valeamus adire supernam.

In 3. Nocturno.
Antiplionae.
1. Virgo pulchra facie
Moribus serena,
Tu supernae gratiae
Abundanter plena,
Duc nos ad amoena.
2. In hoc sancti spiritus
Festo damus vota
Tibi nec non filio
Mente nostra tota,
Tu nos illo pota.
3. Mentes nostrac permanent
Veritate caecae,
Has, virgo, illumina
Lota inde faece,
Ne damnemur nece.

Responsoria.
1. Virgo speciocissima

Et in omnes te invocantes cle-
mentissima,
Tu, quae salvatorem genuisti
Nec pudorem amisisti,
Nos tibi devotos agnosce
Et post mortem filii
gratiam posce ;

V. Regni consortes

ut simus, dilue sordes.
2. Ave, mater misericordiae,
Ave, solamem miseriae,
Ave, sanctorum gloria,
Ave, totius boni copia,
Juva misericorditer
Ad te clamantes jugiter,
V. Quae spiritu sancto teste
Manens virgo meruisti
Mater esse.
3. O beatus uterus,
inexpertus virum,
Qui creavit filium

ad naturae mirum,
Hunc, qui suo sanguine

suos liberavit
Et de caelis spiritum
sanctum destinavit,
V. Hic est ille, Moysi rubus
Quem signavit incorruptus,
Aeternum vere generavit.

In Laudibus.
Antiphonae.

1. Modo tuus filius,

Virgo, destinavit
Illis sanctum spiritum,

Quos cruore lavit,
Qui et, dum conciperes,

tibi obumbravit.

2. Qui te cunctis feminis
praeilluminavit,
Corda apostolica
modo visitavit,
Inde tuus spiritus
jure exsultavit.
3. Misit in apostolos

Deus sanctum pneuma,
Quod bis linguae attulit

omne figureuma,
Virgo, quae hunc filium
genuisti, neuma.
4. Quavis sancti spiritus
semper plena dote,

Descendente attamen

ipso modo pote,
Plus es prae apostolis

gavisa devote.
5. Linguis sancto spiritu

novis informati
Loquuntur magnalia

tui cari nati.
Magnum tuum gaudium

Hoc, mater, mirati.

Ad Benedictus.

A. Benedicta inclita

virgo stirpis piae,
Quae es porta gratiae,

quam hac misit die
Christus, tuus filius,

servis et amicis,
Te rogamus, respice

nos illius mitis.