58 Matrimonii

Ad formam itaque processus quod attinet, nihil causa videtur desiderandum reliquisse circa expressam deputationem iudicis seu iudicium, qui facultate pollerent procedendi, iudi- candi, ac decernendi: circa constitutionem, iuramentum, adsi- stentiam defensoris matrimonii ex officio in unoquoque actu iudiciali et examine testium, iuxta dictam Benedictinam Const. § 4, 6, 7. Itidem rite examinati fuerunt coniuges, qui et ea quae extraiudicialiter deposuerant, paucis rectius expo- sitis, iuramento iterum confirmarunt. Similiter alii testes qui reperiri potuerunt et tum a Procuratore ipsorum coniugum rite constituto, tum ab uno et altero matrimonii defensore inducti, examinati fuerunt sub iuramento. Non tamen intelli- gitur cur primus et alter matrimonii defensor iudicium septi- mae manus nullo pacto exquisierat. Instructio enim S. C. C. in omnibus causis, quae matrimonii firmitatem respiciunt, illud testimonium indiscriminatim praescribit, licet primario in illis causis exigat, quae ex capite impotentiae aguntur. Sed hoc et similia non reddunt nulla iudicialia acta ex cit. Const. et Instruct., nec in themate ad cognoscendam veritatem vide bantur prorsus necessaria. Depositiones enim coniugum ac testium iuramento inceptae novoque iuramento absolutae satis esse videbantur ad praesentis causae solutionem.

Ita reapse senserunt tum iudex, qui delegatus tantum fue- rat ad construendum conficiendumque processum, tum matri- monii defensor, tum partium procurator. Eo magis, quod Paro- chus S. Nicolai et amita Caietanae e vita migraverant et unus testium, qui matrimonio adstiterat, e sua habitatione disces- serat, quin sciretur ubi moraretur.

Quare instante coniugum procuratore, die 19 novem- bris 1869 publicatio processus ab Ordinario decernitur, iudex ad causam cognoscendam et iudicandam delegatur, et tum validitatis matrimonii defensori, tum coniugum causidico, quos inter lis fuerat contestata, iniungitur, ut die 7 ianuarii 1870 ad causam discutiendam convenirent et conclusiones facti et iuris apud acta exhiberent.