58 EN S. C. RITUUM

illius tantummodo impediatur Officium, ad enuntiatam jpariter Feriam II. a mandetur, ac nonnisi Festo primario eiusdem ritus occurrente valeat impediri: quo in casu, in sequentem diem pariter non impeditam transferatur. Die 25 Aprilis 1895.

Facta postmodum Sanctissimo Dno Nostro LEONI PAPAE XIII per infrascriptum Cardinalem Sacrorum Rituum Congregationi Praefectum de hisce omnibus relatione; Sanctitas Sua senten- tiam eiusdem S. Congregationis ratam habere et confirmare di- gnata est. Die 27 Maii, eodem anno.

C. CARD. ALOISI-MASELLA S. R. C. Praefectus.

L . © S. ALOISIUS TRIPEPI S. R. C. Secretarius.

ROMANA seu LUCENSIS beatificationis et canonizationis venerabilis Servi Dei Ioan-

nis Baptistae Cioni, sacerdotis professi e Congregatione Clericorum Regularium

Matris Dei et primi socii B. Ioannis Leonardi.

SUPER DUBIO

An constet de Virtutibus Theologalibus Fide, Spe et Caritate erga Deum ac Proximum, nec non de Cardinalibus Prudentia, Iustitia, Temperantia et Fortitudine earumque adnexis, in gradu heroico, in casu et ad effectum de quo agitur?

Christi vestigiis vel a puero ingressus, Ven. Ioannes Ba- ptista Cioni animum appellere contendit ad monitum praesertim illud et evangelicae perfectionis compendium: In patientia ve- stra possidebitis animas vestras. Quocirca, Lucae, in qua peran- tiqua Etruriae urbe ortum habuerat, aliosque per populos, ut rei christianae esset adiumento, aspera quaeque non pertulit modo, verum etiam adamavit, magnamque cunctis expectationem fecit de providentis Dei consilio, qui tempestate, ob clades ab haeresi protestantium illatas, Ecclesiae summopere iniqua, no- vum eundemque perfectum excitarit heroem, ecclesiastica vir- tute caeteris suspiciendum. Innumeris enim aerumnis contem- ptui habitis, nunquam abduci potuit, quin, vitae integritate, poenitentiae studio diurnisque et ad multam noctem productis precibus, ad maxima comparatus, bellum errori tota fere Italia