55. In Visitatione BMV.

1 a. Praesens dies

refulget celebris,
Quae Mariae

nos precibus crebris
Omnis mali tenebris
Purget et illecebris.

1b. In hoc mater

gaudet ecclesia,
Laetabunda

figens memoria,

Quod virgo de Nazareth
Visitat Elisabeth.

2 a. Gabriele

narrante angelo,
Verbo Dei

concepto de caelo,
Montana christifera
Adiit quam propera.

2 b. Iam tunc anus

stat feta sterilis;
Prevenerunt
utraque humilis
Mater se obsequiis
Sacrisque eulogiis.

3 a. Elisabeth

prophetans clamitat:
"En, me mei
Domini visitat

Mater ; ex hoc puero
Plausus est in utero.

3 b. Benedicta

in mulieribus,
Credidisti

sacris relatibus."

Inde psalmum iubilat
Maria Magnificat.

4 a. Illic mense

trino stat sedula
Fitque nati

praeconis gerula;
En, regina
Sion iuvencula
Ancillatur.

4 b. Felix autem

utraque fertilis,
Virgo praegnans,
pariens sterilis,
Quarum fructu
mundus damnabilis
Restauratur.

5 a. O Mariae

grata humilitas,
Praecursoris

praecelsa sanctitas,
Grandaevorum
mira fecunditas
Ac dignitas !

5 b. Iesu Christe,

via ac veritas,
Qui dignanter

tuos hic visitas,
Iustitiae

duc nos per semitas,
Quo habitas.