58. De ss. Liberata et Faustina.

In 1. Vesperis.

Ad Magnificat.

Ad gloriam

Dei et fidelium

Discretionis

verae celsitudini

Innotescat

sacratissimas virgines

Liberatam et Faustinam

Secundum carnem sorores

Nobiles quidem genere,

Sed longe nobiliores

Vita et conversatione.

Ad Matutinum.

Invitatorium.

Agnum, sponsum virginum,

Venite adoremus.

In 1. Nocturno.

Antiphonae.

1. Virginibus sacris

pangamus carmina laudis,

Ut penetret caelos,

quod damus, ecce, melos.

2. Virgo Liberata

Ioannatis libera nata,

Et Faustina soror,

candida sicut olor,

3. Moribus ornatae

claraque propagine natae,

Spreverunt aevum

suntque secuae Deum.

Responsoria.

1. Montes tuorum visita,

Christe, redemptor omnium,

Et nos salva per merita

Tam beatarum virginum,

Quae per mundi climata

Tibi dant obsequium,

V, Quocumque pergis, virgines

Sequuntur atque laudibus

Post te canentes cursitant

Hymnosque dulces consonant.

2. Liberata et Faustina

Sorores tunc geminae,

Mundi recusant nuptias

Sancto calentes flamine,

Modo metunt manipulos

Pro rite iacto semine.

V. ''Euntes ibant et flebant mit-

tentes semina sua.''

In 2. Nocturno.

Antiphonae.

1. Virgineas mentes

miroque pudore nitentes

Replevit citius

spiritus, ecce, pius.

2. Quando virum flebat

laniataque crine dolebat

Gemitu miro

sponsa relicta viro,

3. Tunc animos vincunt,

opes patriamque relinquunt,

Perdiderant matrem

destituuntque patrem.

Responsoria.

1. Templa struunt, vigilant,

ieiunant, iugiter orant,

Carnis membra domant

Christoque placere laborant,

V. Haec nempe mundi gaudia

Et blandimenta noxia

Caduca rite deputant.

2. Dolebat pa-

ter lugens nimium,

Coniunx cessit

nullum (hinc) consilium,

Quis super his

dabit auxilium.

V. ''Fuerunt illi lacrimae

suae panes die ac nocte.''

In 3. Nocturno.

Antiphonae.

1. Sic duce Marcello

devicto denique bello

Cornum tunc quaerunt

donaque multa ferunt.

2. Igitur hic orant

commissaque crimina plorant

Pluraque templa struunt,

flumina prope fluant.

3. Finis sic vitae

fuit illis denique rite,

Suntque labore brevi

regna secuta Dei.

Responsoria.

1. Virgineos artus

replevit spiritus almus,

Funera, cum flebat

coniunx orbata marito.

V. ''Deduxit eos Dominus in

portum voluptatis suae.''

2. Sic Cornum properant,

opibus patriaeque resignant

Armillasque ferunt

et munera plurima secum.

V. Has iustus sequitur,

Marcellas nempe sacerdos.

3. Urbs Comensis gratuletur,

Hymnis tota iucundetur

Hodie clementius,

Quam thesauro tam praeclaro

Sublimavit Dominus.

V. ''Gaudeat terra nostra, tantis

irradiata fulgoribus et tan-

tarum virginum splendore

lustrata, totius saeculi sentiat

se amisisse caliginem.''

In Laudibus.

Antiphonae.

1. O felix virginitas,

quae Christo dum attendit,

Omnem mundi gloriam

prorsus vilipendit.

2. Quam felix germanitas,

quae se talem exhibuit,

Quod in caeli solio

consociari meruit.

3. Propter fidem sedulam

Suae caritatis

Quasi bina lilia

Odorem dant suavitatis.

4. Benedicat terra Deum,

Quae sic est ditata,

Quod tantarum virginum

Membris est lustrata.

5. Virginum corporihus

nimium exsultat

Comensis ecclesia

totaque resultat.

In 2. Vesperis.

Ad Magnificat.

A. Sponsae Christi carissimae

Spretis mundi illecebris

Piis vacabant studiis,

De corporis ergastulo

Ergredientes libere

Regna tenent caelestia;

Cuncti fideles, plaudite.