DE CAUSA S. IULIANAE CORNELIONENSIS 59

stulatores argumentum desumerent ex institutione festi in ho- norem Corporis Christi, ille fidei vindex, futurus Pontifex, adiecit: «eam utique institutionem causam desumpsisse a revelatione « facta Beatae Iulianae de monte Cornelione, sed revelationem « istam examinatam fuisse a Roberto Episcopo Leodiensi et aliis « Episcopis (1.4, p. 2. c. 31, 24) ». Proinde idem vir consultissimus ad Pontificatum Maximum evectus, in opere de Servorum Dei bea- tif. et canonis, titulum illum Iulianae constanter servavit, et, data occasione, argumenta explicavit, quibus publicus et solemnis cultus eidem praestitus demonstraretur (L 2 c. 12 n. 15 c. 14 n. 7).

Graviora sunt quae Sa. Me. Gregorius XVI. gessit, cum sextus saecularis annus ageretur (1846) ab institutione solemnitatis SS.mi Corporis. Etenim non modo aedificationem ecclesiae in honorem S. Iulianae probavit, sed, rogante Episcopo Leodiensi, ut ipso dedicationis die et tredecim sequentibus quotquot illam pie visitaverint Christifideles, et s. reliquias praelaudatae S. Virginis ibi expositas venerati fuerint, indulgentiam plenariam lucrari va- leant; Supremus Pontifex petitam indulgentiam peramanter est impertitus. Cumulum hisce omnibus adiecit SS.mus Dominus Pius IX. (quem diu sospitet Deus), qui probans ea, quae gesta fuerunt sub Pio VII., officium probavit in honorem Virginis no- strae pro dioecesi Leodiensi, et insuper pro Ruraemundensi in Hollandia inter Officia propria cathedralis ecclesiae suprema au- ctoritate confirmavit.

Iamvero concessiones eiusmodi pronunciationem continent supremae auctoritatis ecclesiasticae, qua agnoscitur rite recteque cultum alicui praestari publicum et solemnem, immo talibus con- cessionibus cultus ipse directo Sedis Apostolicae suffragio auge- tur et amplificatur. Nonne maius aliquid hoc est, quam nuda declaratio, quod fideles, tolerantibus Episcopis (inscia quandoque Apostolica Sede), huic vel illi ab annis trecentis in uno forsi- tan oppidulo et obscuro cultum ecclesiasticum tribuerint? Si haec ita st habent, non iure postulant Adnotationes, ut prius- quam Iulianae nomen Romano Martyrologio inseratur, declaretur ab hoc Sacro Ordine constare de casu excepto. Haec declaratio hisce rerum adiunctis praepostera videretur, semel ac iamdiu Pontificia auctoritate indulta sunt illa, pro quibus obtinendis d0- claratio solet impetrari.