59

PARMEN.

E X E M P T I O N I S

Die 13 Martii 1891.

COMPENDIUM FACTI. In dioecesi parmen., prope oppidum vulgo Bercelo antiqua existit domus ad usum coenobii cum annexo oratorio publico, quod nomen accepit a simulacro Virginis cui titulus delle Grazie.

Rmus Vitalis Loschi tunc temporis Episcopus parmen., sub die 22 maii 1840 decrevit, ut dictum oratorium sibi sub- iectum esset, ac proinde ab illius oppidi parochi seu praepositi iurisdictione liberum. Praeterea haud multo post, obtentis ne- cessariis approbationibus, dictam domum in seminarium vertit, et decreto die 29 augusti 1842 edito, statuit, ut novum semina- rium ac oratorium suae iurisdictioni immediate subiecta es- sent ; ut solus seminarii rector iurisdictionem ibi exerceret, cum facultate delegandi sacerdotem, qui sacras functiones expleret. Statuit insuper, ut neque oppidi praepositus, neque aliquis ex Collegiatae Canonicis ullum ius haberet, utque sacrae functiones ac processiones quae cum Virginis simu- lacro ducebantur, ad seminarii rectorem exclusive pertinerent, qui proinde crucem extollere, ac processiones per consuetas oppidi vias ducere valeret.

Verum, Episcopo Loschi e vivis elato, ipsius successor Rmus Neuschel die 12 novembris 1851 decrevit, ut rector pro tempore seminarii, in die festo titularis oratorii, Praepo- situm et Canonicos Collegiatae oppidi ad sacras functiones invitare, ut seminarii clerus primum ad Collegiatam ac deinde una cum populo ad ecclesiam parochialem processionaliter se transferre deberet; ut crux ecclesiae Collegiatae tantum ele- varetur : tandem ut, sacris functionibus expletis, ad orato- rium, eodem ordine retento, se restituèrent.

Praeter haec Episcopus praescriptionem diei 11 ianuarii 1851 confirmavit, quae varias functiones tum a Praeposito, tum a Canonicis loci Bercelo in seminarii oratorio celebran- das respiciebat, quaeque clericis in seminario degentibus ora- torium in quibusdam solemnitatibus claudendi, et ad eccle- siam parochialem accedendi onus imponebat, ut ibi sacras caeremonias exercere valerent. Uno verbo Episcopus imme-