56. Infra Octavam Visitationis BMV.

1 a. Veni, sancte spiritus,
Et illustra caelitus
Mentis domicilium.

1b. Veni, mater gratiae,
Veni, datrix veniae,
Veni, monstra filium.

2 a. Consolatrix inclita,
Veni, vide, visita
Gementem familiam;

2 b. In labore proficit
Nec a fructu deficit,
Si non neges gratiam.

3 a. O lux absque nebula,
Deus ante saecula

Tuum vult consortium.

3 b. Sine tuo radiov

Non est spes in stadio,
Quod occurrat bravium.

4 a. Lava cordis vitium,
Ne carnis exitium
Sequatur supplicium.

4b. Flecte dulcem filium,
Ut nobis auxilium
Mittat in exsilium.

5 a. Da tuis fidelibus
Ad te suspirantibus
Optatum solacium.

5 b. Da virtutis meritum,
Da salutis exitum,
Da perenne gaudium.