59. In Assumptione BMV.

Antiphonae
per hebdomadam ad Nocturnum.

1. Immensi regis

genetrix et cuncta creantis
Evecta est hodie angelica

super agmina cuncta,
In jubilo vocis

solvamus munia laudis.

2. Hac profecto die

perpetua virgo Maria

Caelos ascendit

terrasque perosa reliquit,

Regnat nunc quia cum
Christo, laetamini, quaeso.

3. Filius, ecce, Dei

properat occurrere matri,

Collocat in solio

super omnia sidera celso
Angelicisque choris

praefert super aethera cunc-
tis.

4. Suscipitur mater

Christi reginaque mundi
Angelico laetante choro

caeloque corusco,
Unde hujus laeti

veneremur festa diei.

5. Si Dominum in sanctis
ejus laudare jubemur,

Multo plus sancta

caelos migrante Maria,

Gignere quae meruit

ipsum, qui cuncta creavit.

6. Mundi regina,

perpetua virgo Maria
Assumpta est hodie in

caelum, gaudete, fideles,
Laudantes Jesum

festivo carmine Christum.

Ad Benedictus et ad Ma-
gnificat

per hebdomadam Antiphonae.

1. Gaudeat ecclesia

mundi per climaia cuncta,
Praefulget hodie meritis

quia virgo Maria,
Mater sancta Dei

transcendit culmina poli.

2. Gaudent, ecce, poli

cives super astra superni
Mundi reginam

secum sumpsisse Mariam,
Nosque hodie haec tanti

celebremus gaudia festi.

3. Ecce, Maria super

omnes transcendere caelos
Digna hodie meruit,

quae ipsum, qui cuncta
creavit,

Virgo Deum genuit,

post partum virgo remansit.

4. Sancta Dei genetrix,

mundi fortissima victrix,
Quae scandens hodie

cepisti praemia vitae,
Sanctis obtineas precibus,
ut perveniamus.

5. Nempe Maria hodie

Jesum petit aethere Chri-
stum,
Orans pro miseris,

ut dentur culmina nobis
Cunctis, nunc ideo
laetemur corde jueundo.

6. O virgo alma Dei,

mater reginaque mundi,
Quae cuncta angelica es

super agmina cuncta beata,
Tu coram Christo

nostri, petimus, memor esto,
Deposcens miseris

caelorum gaudia nobis.

Responsoria
per hebdomadam ad Nocturnum.

1. Spina dedit florem

castum servando pudorem,
Justitiae solem

patris per saecula prolem,
V. Gaudeat omnis homo,

quoniam peperit pia virgo.

2. Ante thorum virginalem
jucundemur laudibus,
Deo nostri jubilantes
indefessis vocibus,
Ut nos semper pia virgo
suis servet precibus,
V. Incessanter deprecemur
virginis praesidium.

3. Stirps Jesse virgam

produxit virgaque florem

Et super hunc florem
requiescit, spiritus almus ;
V. Virgo Dei genetrix

virga est, flos filius ejus.
4. Ad nutum Domini

nostri deitatis honorem
Sicut spina rosam

genuit Judaea Mariam,
V. Ut vitium virtus

operiret, gratia culpam.
5. Stella maris praedicaris,
Flos, qui de te processit,
Rore caelos sparsit
Fructus tui ventris
Angelorum choros pascit.

V. O Maria, mater pia,
Fac, ut fructu satiemur
Et odore repleamur.
6. Rosa fraglans, lux solaris,

Virginale speculum,
Praesignaris singularis

Castitatis titulum,
Et propinans salutaris

Medicinae poculum,
Matris irae mater pia

Redimens interitum.
V. Jus naturae

Stupet pro te virgine,
Quia Deum peperisti

Pariter et hominem.