60 Acta Apostolicae Sedis - Commentarium Officiale

rumque interrogatus: « A n vellet apostatare», semper respondit: «Sum

« christianus et maneo christianus et confido in Deum ». Patíbulo affixus et

monens familiam suam adstantem ita confortabat: « Revertimini, nolite

« angustian propter me, semper bene colite Deum »: atque in extremo sup-

plicio fortis in fide exspiravit. De hac persecutione fuse agit liber cui titu-

lus: La Palestina e le Missioni Francescane in tutta la terra, auctoribus

Marcellino de Cavezza et Teophilo Domenichelli, part. I I . - In eadem civi-

tate Kiu-tcheou-fu nova persecutio exorta est an. 1875 instigante principe

tartaro, nomine Pa. Tunc Famulae Dei Maria Sieou-Kou et Maria Pao-Kou

quae erant de familia christiana I, descendente a familia Pauli Iu-Koei-sen

anno 1820 interempti, licet religione, pietate bonisque moribus eminebant,

tamen, praevia dispensatione, inire debuerunt matrimonium cum viris tar-

taris paganis. Simul cum aliis christianis ipsae captae et a mandarino ad

apostasiam incitatae ut renuntiarent religionem christianam, ambae respon-

derunt: « Non apostatabimus in aeternum »; quo audito Mandarinus edixit:

« Tunc moriemini » et tradidit eas propriis maritis. Isti frustra tentantes

eas ad apostasiam, venenum paraverunt et obtulerunt, sed ipsae bibere recu-

sarunt. « Non enim, - ait S. Augustinus, - a seipso, sed ab alio debet occidi,

qui vestigia sequitur Christi ». Tunc iidem impii et crudeles viri per milites

illud violenter in earum ora infuderunt. Potentiori veneno adhibito et

infuso Maria Pao-Kou animam fere statim exhalavit. Maria vero Sieou-

Kou cui mors aliquandiu procrastinata est, cum petra in pectore violenter

percussa, sic obiit. - Sub finem an. 1898 in vicariatu apostolico Hu-pè

occiduo-meridionali persecutio excitata fuit a famoso perduèlli Iu-man-za

appellato, limitrophae provinciae Se-tsoun. Per litteras ad proceres Pro-

vinciae Hu-pè ille scripsit ut exterminarent religionem catholicam et dele-

rent christianos et missionarios; quod ipsi proceres triplici evulgato edicto

ad populum, exsecutioni, quantum potuerunt, mandare conati sunt. Dignus

speciali mentione est Victorinus Delbrouck, natus die 14 Martii 1870 in

loco Boirs, dioeceseos Leodiensis, sacerdos et missionarius O. F. M. qui

die 11 decembris 1898 in civitate Che-Keou-Chan capite plexus est. Eius

corpus anno 1900 ad ecclesiam O. F. M. Trudonensem, dioecesis Leodiensis,

translatum est, ibique in pace quiescit. Tandem in persecutione an. 1904

victimae recensentur Theotimus Verhaeghen, Ep. tit. Sienensis et Vicarius

Apostolicus de Hu-pé Occiduo-Meridionali, natus Mechliniae in Belgio die

19 Februarii an. 1867 eiusque frater germanus Fridericus Verhaeghen, natus

die 10 Man anno 1872. Ambo studiis gymnasialibus in Collegio archiepi-

scopali absolutis, Ordinem Seraphicum pro vitae perfectione amplexi sunt:

et ad missionem sinensem pro Fidei propagatione missi, una cum Floren-

tio Robberecht, sacerdote O. F. M. et missionario et quatuor servis Dei