60 SAVON EN.

Haec in Curiae actis inveniuntur scripta, a duobus vica- riis subsignata, sed subscriptiones interesse habentium non adsunt.

Promissis tamen defuit Ioseph, et statuta die depactam summam non tradidit ; sed aliquod post tempus apud curiam institit, ut fides status liberi sibi concederetur, eo quod si

;olim aliqua relatio amoris fuit ipsum inter et Annam Rossi, haec cessaverat omnino a die 15 Novembris 1876, in qua ipse ab Annae patre offendebatur. Coram Curia episcopali accersito utroque sponso, Anna asseruit, post diem 15 No- vembris 1876 mutuas amoris significationes perdurasse, imo et accepisse annulum, veluti fidei arrham, litterasque ama- torias complures, necnon fotographicam imaginem ipsius sponsi, quae exhibet virum plena barba ornatum, quaeque proinde non potest adscendere ad epocham anno 1876 ante- riorem : tunc enim Ioseph ferme imberbis erat.

Contradicente autem viro, et sic super hoc puncto con- testata lite, iussum a iudice est testes produci. Quatuor te- stes ab Anna producti fere explicite fatentur scire promis- sionem factam de futuro matrimonio. Imo etiam septem te- stes a Iosepho producti, omnes unanimiter loquuntur de fama evulgata sponsalium.

Hi ultimi testes neque rogati fuerunt, neque dixerunt utrum relationes inter Annam et Iosephum, post aliquod tempus conciliatae fuerint ; noverunt easdem cessavisse post iniurias patris puellae illatas Iosepho, qui plus aequo inire nuptias differebat. Hinc super hoc puncto septem hi testes mere negativi sunt, neque valent adduci neque pro neque contra. Testimoniis addi debent litterae Iosephi ad Annam, in quibus iterum suum adpromisit amorem ut antea. Post haec Curia episcopalis sententiam protulit, non quidem de- finitivam, sed ut videtur, interlocutoriam; decernebatur enim, ut, ad veritatem luculentius constabiliendam super articulo ab Anna proposito et a Iosepho negato, audirentur testes.

Haec ita erant, quum parochus loci, ubi moratur Angela quam ducere Ioseph contendebat, SSmum adivit, exponens