60 PARMEN.

diatae parochi loci Berceto iurisdictioni oratorium et semi- narium subiecit.

Res sic se habebant, quum, ecclesia parochiali ob mor- tem titularis viduata pastore, Rmus Dominicus Villa, pro tempore Episcopus parmen. die 25 augusti 1880 decreta Episcopi Loschi in vigorem revocavit.

In vim citati decreti non modo publicum seminarii ora- torium episcopale denuo declaravit, sed etiam ipsius rectori omnia iura parochialia tribuit circa personas inter seminarii septa degentes.

Hoc peracto, praecepit, ut praeeminentia'quoad processio- nes, quae extra oratorii vel seminarii septa locum habebant, ad praepositum pertineret, ut functiones festivae, quae in seminarii oratorio fieri solebant, vel ante vel post functiones parochiales celebrarentur; denique ut tam clerici externi, quam in seminario degentes diebus festivis in ecclesia paro- chiali servitium praestare tenerentur, quoties hi invitati fuis- sent et absque disciplinae praeiudicio ab instituti rectore ve- niam obtinuissent.

Contra huiusmodi decretum sub die 15 martii 1882 sa- cerdos Orsi, actualis Praepositus S. Congr. Episc, et Regul. recursum porrexit, petens ut ipsum nullum declararetur, ne- dum quia eius iura laedebat, verum etiam quia in causa erat, ut antiqua iurgia et scandala renovarentur.

Super huiusmodi supplici libello Episcopus, ceu de more, requisitus, sub die 29 maii eiusdem anni respondit, a veri- tate esse aliena quae Praepositus S. C. Episcop. et Regul. retulerat. Se autem motum fuisse ad huiusmodi decretum promulgandum, tum ne institutum disciplinae iacturam diu- tius pateretur, quandoquidem clerici in instituto degentes nimis frequenter ad ecclesiam parochialem, quae quingentis circiter passibus a seminario distat, accedere debebant; tum etiam quia ipse Praepositus exigebat, ut clerici externi in functionibus de requie servitium praestarent, quae in diebus ferialibus fieri solebant eo tempore, quo lectiones habe- bantur.

Hisce omnibus adiecit, huiusmodi decretum, ecclesia paro- chiali vacante, latum fuisse: ideoque Praepositum Orsi pa- rochi officium suscipere haud debuisse, si citatum decretum pro accepto habere nolebat.