57. De sancta Katherina.

1. ''Ave, praclara
''margarita,

nam tua tenera est vita
crudeliter torta.

2. Euge, virgo Christi,
te praesentasti
ad manus cruentas;
tu falsa

numina ostentas,
quod non sit in eis
salus, affirmas.

3. Virgo, decus mundi,
tu superasti
falsos oratores ;
praemittis
roseos ut flores
hos igne crematos
ad caeli choros.

4. Te plenam fide

scimus, spe et caritate ;
blandimenta et minas
derides et plagas
regis exsuperas.

5. Te lignum vitae

saturavit sempiternae,
quod nec flammam nec famem
nec regis examen
nec mortem paveas.

6. Tu agnum regem,
terrae dominatorem,
sapientia
divina testaris,
damnosa numina
regis exsecraris,

7. Tuque furentem

Leviathan serpentem,
proiectum caelo,
dimersum profundo,
humani generis
esse inimicum.

8. Hinc gentium

concurrit populus ;
regina credit et Porphyrius ;
et Maxentius
furit et frendet,
reginam iugulari
ac ducem praecipit;
aeternaliter

coronandi transcendunt
ad caelos victorialiter.

9. ''Hinc manna verum
''hiis martyribus
datur in aevum in caelestibus ;
et Katherinae
fructus adcrescit;
et rotae praeparantur
ad hanc lacerandam ;
mos prosternitur
martyr, regis illaesa
hiis diris cruciatibus.

10. Fac fontem dulcem,
quem Kathcrina
martyr praegustavit,
degustare
cum sincera fide,
Tenesque constringi
lotos in mari,
anguem aeneum in cruce
speculari.

11. Fac igni sancto
nos inflammari,
quo hanc inflammasti,
ut ardere
firmiter possimus
et te sic amare,
ut diligendo
tuum possimus amorem
incitare.

12. Audi nos;

nam a Domino
te audiri petisti.

13. ''Salva nos,
''ut de caelis
exoranti dedisti.

14. Da fontem nobis, Domine,
manantem ex vulnere
lactis pro sanguine ;

15. Quo hausto ensis verbere,
tu susceptor animae,
gaudes in martyre.

16. Christianismi fidem
perficiens
transmisisti
militiam caeli

ad huius martyris exsequias
et sepeliri monte Sina.