57. De Visitatione BMV.
Per Octavam.

1 a. Vocem dulcem et iucundam
Recolamus, quae fecundam
Piam pandit atque mundam
Matri matrem virginem ;

1b. Per quam matre salutata
Proles gestit, sed cognata
Clamat, laudat admirata
Vocis ad dulcedinem.

2 a. Salve, parens salvatoris,
Quam parenti praecursoris
Dulcem prodit dulcis oris
Dulcis salutatio !

2 b. Salve, huic [quae] dedisti,
Quo laetam domum fecisti,
Cui Iesum ingessisti,
Per quem fit salvatio.

3 a. Salve, virgo benedicta,
Lumine solis amicta,
Nostra purget quae delicta,
Das lucem salubriter,

3 b. Qua purgati visitemur,
Visitati confortemur,
Confortati gratulemur
Et salvemur iugiter.