60. In Festo Mariae Nivis.

In 1. Vesperis.
Antiphonae.

1. Gaudeat hac hora

modulando laude sonora
Felix ecclesia

de te, praeclara Maria,
2. Virgula frondescis,

praebens exempla nitescis,
Crescis, florescis
Isaia teste, Maria.
3. Austro perflaris

sacro, Deo sancta crearis,
Ornaris claris

sertis, veneranda Maria.
4. Tu Jahel insignis,

mirandis praedita signis,
Hostilem vilem

Sisaram feris arte, Maria.
5. Mentales lites

sapiens sedas Thecuites,
Clara Rachel, vana
sana jam nostra, Maria.

R. Summi sponsa Dei,

caelestis agalma diei,
Cillens aurora,

pro transgressoribus ora,
Prolem, virgo, paris

gaudens sine labe, Maria;
V. Nobis, stella maris,

succurre, beata Maria.

Ad Magnificat.
A. Magnificata parens,

arens vellus reperiris,
Iris, aquae portus,

hortus virtutis, avita
Vita, decus laudis

audis, donis redimiris
Miris, fac imos

primos nos, virgo Maria.

Ad Matutinum.
Invitatorium.
Flos vernalis, ave,

vigilantes in theoria
Erue nos a vae
jubilantes, virgo Maria.

In 1. Nocturno.

Antiphonae.

1. Sancta Dei gaude

genetrix vitae, modo plaude,
Mira prophetia

pariet tua signa, Maria.

2. Orbivagos orbes

rege semper, vera sophia,
Ipsorum morbos

depelle, benigna Maria.

3. Vox Gabrielis fert nova caelis
Emmanuelis,
Mons Danielis et Ezechielis
porta, Maria.

Responsoria.

1. Psalle, coronata,

de stirpe David generata,
Nobilis et grata,

nova stella, vocata Maria,
V. Templo collata,

Domino sacrata Maria.
2. Ambis, virgo, virum,
testante per Jeremia
Caelorum gyrum

qui circuit, alma Maria ;
V. Sic thalamum mirum

locat in te, casta Maria.
3. Nubet vim roris

germen dat vinea odoris,
Dum generas regem
regum, speciosa Maria,
V. Transcendis legem

matrum pariendo, Maria.

In 2. Nocturno.
Antiphonae.

1. Thurea cellula, Jessea virgula,
gratia dia,
Regia filia, fers nova lilia,
pura Maria.
2. Forma decoris, flagor amoris,
fragor odoris,
Norma pudoris, dulce stuporis
manna, Maria.

3. O rosa virginea,

dantur tibi cara Sabaea
Regia dona tria,

aurum, thus, myrrha, Maria.

Responsoria.

1. In templo solem

lux offers, filia prolem,
Sol fugis, arca redis,

prius et post virgo, Maria ;
V. Cum eat ex munda

rex unda, plaude Maria.
2. In cruce pallescit

Christus, moriendo rigescit,
Clamat et indulget
te compatiente, Maria ;
V. Ordo novus fulget

Christo surgente, Maria.
3. Victorem mortis

in caeli conspicis hortis,
Lampas siderea,

virtutis idea, Maria ;
V. Nos fer ad aetherea

superorum, virgo Maria.

In 3. Nocturno.
Antiphonae.

1. Regia regina,

maesti cordis medicina,
Nexum perplexum

sordis disrumpe, Maria.
2. Hic desolatis

cognatis fons pietatis,
Per te, virgo pia,

Dei almum pneuma, Maria.

3. Dulcia flumina, sacra volumina,
clausa sigilla,
Fulgida lumina, caeli cacumina
pande, Maria.

Responsoria.
1. Actibus ex claris

per saecula mille bearis,
Pulchra velut luna
rutilas mortalibus una,

Ecclesiae rectrix,
docuisti mira, Maria,
V. Vitae correctrix,

tege crimina nostra, Maria.

2. Vitis, lux, tellus,

virtus, dulcedine manas,
Mitis, dux, vellus,

virus mulcedine sanas,
Ex magni stagni

foveas nos rore, Maria,
V. Aurea, laurea, stellea, niellea,
dicta Maria.

3. Stella soli, tere bella doli,
soli via soli,
Arca poli veneranda, poli

nos proxima proli,
Christi virgo parens,
scandis super astra, Maria,
V. Optima jam parens

post te nos tolle, Maria.

In Laudibus.
Antiphonae.

1. Regnans Hesther, ave,

quae gustas pascha suave,
Aman vicisti,

sanxisti fausta, Maria.

2. Abigail prudens,

jubilas super aethera ludens,
Jam David iratum

placatum redde, Maria.

3. Munda parens Anna,

Ruth sedula, casta Susanna,
Nostras fac mentes
Flentes vigilare, Maria.

4. Tu Noemi mara,

nunc rides, splendida Sara,
Nos, benedicta Lia,

velut arida riga, Maria.
5. Omnes te laudent,

qui te dominam fore gaudent,
Te laus perfudit,
Judith divina, Maria.

Ad Benedictus.

A. Gemmea sacrarum

princeps et lux animarum,
Dignior in thronis

aulae veri Salomonis,
Imprime cortinae

caelorum nos sine fine,
Orta galaxia

qui psallimus, virgo Maria.

In 2. Vesperis.
Ad Magnificat.

A. O rubicunda rosa,

legis praelucida glosa,
Vultu splendescens,

in regno laeta quiescens,
Janua caelestis

transmitte levamina maestis,
Trina hierarchia

Te laudat, magna Maria.