PARMEN. 61

Dum haec agebantur, accidit ut Episcopus ex hac vita decederet : hinc iudicium suspensum remansit.

Verum haud multo post instauratum fuit per Episcopum Miotti, qui vix ad illam sedem evectus S. C. Episcop. et Regul. adivit, petens ut, ad extinguenda mala et iurgia, quae paroeciam loci B er ceto in antecessum afflixerant, orato- rium et adnexum seminarium a paroecia in perpetuum dis- membraretur et omnia parochialitatis iura super oratorium et seminarium nec non super personas in seminario degentes rectori pro tempore conferretur.

Disceptatio Synoptica

QUAE EPISCOPO FAVERE VIDENTUR. Favore Episcopi addu- cta fuit doctrina Lucii Ferraris, qui in suo opere Bibliotheca canonica etc. verb. Dismembratio n. 1 ait : Dismembratio est quaedam species alienationis ; nec non auctoritas s. Rotae part. 7 recent, decis. 68, n. 1 ; et part. 10 decis. 9 0 , n. 8, in qua sub num. 9 de dismembratione legitur: Et sic ut sustineatur, requiritur necessitas causae et evidens ecclesiae utilitas.

Porro in themate adesse causae necessitatem et eviden- tem ecclesiae utilitatem nullatenus dubitare sinit Episcopi informatio, qui asserit tantummodo ex seminarii eiusque ora- torii dismembratione ac subtractione a parochiali iurisdictione tranquillitatem parochianorum loci Bercelo, cleri pacem, re- ctam seminarii administrationem eiusque valetudinem ac pro- speritatem obtineri posse.

Huiusmodi vero dismembrationem non esse rem novam, ipsamque in pluribus Italiae seminariis et praecipue in Ve- netiarum seminario locum obtinere inquit. Hisce tum in facto tum in iure adductis, Episcopus concludit, seminarii, eius- que oratorii, dismembrationem ac substractionem a parochiali iurisdictione utpote utilem, et necessariam decernendam esse.

QUAE PRAEPOSITO FAVERE VIDENTUR. Verumtamen ex al- tera parte Praepositus pro viribus sustinet, seminarii ac ipsius oratorii dismembrationem et substractionem a parochi iurisdictione, ab Episcopo invocatam, litium ac discordiarum seminarium esse, ad quas extinguendas necesse esse, ut se- minarium et adnexum oratorium iurisdictioni Praepositi